Îqtîdar do binê polîtîkayan de bimano

Badê ke 12ê Êlule de dewêka Pasûrî ya Amedî de teqayîş qewimîya, hemserekê şaredarîye ameyî tewqîfbîyayene û herinda înan de qayûm ame tayînkerdene. Xora verê cû qayûmî tayînê şaredarîyanê Amed, Wan, Mêrdîn û Qereyazi zî bîbî.

Babete ser o Hemverfekê Kongreya Demokratîke ya Şaran (HDK) Sedat Şenoglûyî ajansê Mezopotamya ra Nacî Kayayî rê qisey kerd. Şenoglûyî va ‘sey berpirsîyarê teqayîşê Pasûrî HDP yeno nîşandayene’ û wina dewam kerd: “No kayêko lêmin o. Wina kenî ke teqayîş seba tayînkerdişê qayûmî kenî mehne. Badê ke şar reaksîyon nîşanê xespbîyayîşê şaredarîyanê Amed, Wan û Mêrdînî da, nika hewl danî bi çîyanê vengan qayûman meşrû bikerî.”

Şenoglûyî dîyar kerd ke dewlete hewl dana HDPyî zehîf bikera û çin bikera. Şenoglûyî wina domna: “Xora verê cû bi hezaran xebatkarê HDPyî ameyî tewqîfkerdene. Labelê reyna zî polîtîkayê îqtîdarî ti netîce nêgirewt. HDP ser o kayê lêminî yenî kaykerdene, labelê nê kayî nêtepişenî. Estena HDPyî seba demokratîkbîyayîşê welatî muhîm o. Nê kayê ke HDPyî ser o yenî kaykerdene, do netîce nêgirî. Nê komployê sîyasî do veng vejîy. Îqtîdar do binê polîtîkayan de bimano.”

STENBOL 

Yazarın diğer yazıları

    None Found