Îşxalkerî Almanya û Fransa de ameyî şermezarkerdene

Şaristanê Mulhoûse û Marsîlya yê Fransa û şaristanê Hambûrg û Saarbruckenî yê Almanya de vera Vakur û Rojhelatê Sûrîye galê îşxalkerî yê Dewleta Tirkan ameyî şermezarkerdene.

Şaristanê Hambûrgî yê Almanya de vera Vakur û Rojhelatê Sûrîye galê îşxalî û qirkerî yê Dewleta Tirkan hetê cinîyan ê almanan ê hunermendan ra ameyî şermazarkerdene. Cinîy bi bereyîya Însiyatîfê Hambûrgî yê ‘Cinî Rojawanî Pawenê’ amey pêser û bi performansê xo yê hunerî bale anite şerê vera kurdan ser. Cînîyan resmê sîvîlanê ke galanê Dewleta Tirkan ra serkewte cuya xo vîndî kerda berz kerdî û behsê hîkaya cuya înan kerd. Cinîyan reyna derheqê babete de wilawekî wendî.

Saarbrucken

Şaristanê bînî yê Almanya Saarbruckenî de zî kurdîstanijî teba dostanê xo ra amey pêser û galê îşxalî şermezar kerdî.  Seba vîrardişê merdimanê ke galanê Dewleta Tirkan de cuya xo vîndî kerda çirayî ameyî tafîştene. Çalakîya bêvenge de bêvengîya Ewrupa bi taybetî zî ya Almanya ke ver dana komkîştişan ameye şermezarkerdene. Çalakî bi vatişê slogananê “Biciwîyo xoverdayîşê Rojawanî”, “Terorîst Erdogan” reste peynîye.

Mulhoûse

Şaristanê Mulhoûse yê Fransa de, bi vengdayîşê Komîteya Paştgîrîya Rojawanî kurdîstanijî teba dostanê xo ra vera kurdan îşxalkerî û qirkerîya Dewleta Tirkan şermezar kerde. Çalakîye merkezê şaristanê Mulhoûsey de ame kerdene û venga şarê Fransa dayîya ke paştgîrîya kurdan bikerê. Çalakîye de vilawekî amey wendene û armancê rejîme Erdoganî seba qetilkerdişê kurdan ame vîrfîştene. Vilaweke de ame dîyarkerdene ke Dewleta Tirkan awanbîyayîşî ra bîyo şaran qir kena.

Marsîlya

Bajarê Marsîlya yê Fransa de zî kurdistanijî û dostê înan vejîyayî kuçeyan û hêrişê vera Rojawanî şemezar kerdî.

MERKEZÊ XEBERAN

Yazarın diğer yazıları

    None Found