Kurdistan yew parçe yo

 Serra 1994’ê di heremê Serhatî de peynîya pêkewtişî di lingê xo vin keno û destê lejkerê tirk esîr keweno. Remo 10 serre di zîndane de maneno û serra 2004’ê zîndane ra vejîyeno. Nika Remo seba ke refê YPGî de ca nêgeno, no ser zaf xemgîn o. Remo rewşa Kobanê ser vat ke ganîyo ke heme parçeyê Kurdistanî di Kobanê de cayê xo bigerê û têkoşîna xo bidomnî û wina vat: “Serra 1989’ê apogeran dewa ma ra ameybî û min zî aporgeran ra tesîr girewt û min zî waşt ê reyde şîro. Min sifteyin Lubnan ra eşrawitî û peynî zî min eşrawitî Akademîya Lejkerî ya Mahsun Korkmazî. Di noca de min perwerdeya lejkerî û sîyasî girewt. Di heremê Serhat, Xakurkê û Garê xebatê gerîlatî kerdo. Tewr peynî di koyê Allahu Ekber de cayê ma tespît kerdî, ma di aşm têkoşîn day la belê peynî zî min kewt, destê lejkerê tirk. Di Erzirome de di lingê min zî birnay û 23 roj min ra îşkence kerdî û 10 serr ceza day.”

Cuyayişê koletî

Remo ganî heme ciwanê kurd di Kobanê de cayê xo bigêrî, çimkî nika di Rojawan de yew şoriş est a û wina dewam kerd: “No ser zî ma nêeşkenî, cidayî ya vakur, vaşûr, rojhîlat û rojawan bikerî. Kurdistan çar parçe nîyo yew parçe yo. Ma do azadbîyîşê Kurdistane ser zî bedel bidî. Verekna di lingê min bibîynê û ez embazê xo ra bar nêbîynê û verba çeteyê DAIŞî têkoşîn bidaynê.”

RIHA

Yazarın diğer yazıları

    None Found