Lazimî bi cepheyo demokratîk esta

Hemserekîya Konseyê Caardişî yê KCKyî derheqê tehdîdanê hêrişî yê serê Vakur û Rojhelatê Sûrîye de îzehetêko nuştekî weşana. KCKyî îzehet de vato ‘dewleta Tirkî ya dagîrkere bi serran waşt pêroyê çeteyê DAÎŞî reyde Şorişê Rojawanî bixeniqno û Îdareyo Xoser ê Vakur û Rojhelatê Sûrîye tasfîye bikero’.

KCKyî vato ‘Şarê Vakurê Sûrîye yê ke vera DAÎŞî de 10 hezar şehîdî û 20 hezar gazîyê înan estê, dewleta Tirkî ya dagîrkere hêrişê înan kena’ û wina domnayo: “Êyê ke cesaret danê înan Trûmp o ke îdîa keno ey DAÎŞ çin kerd. Vejîyayo meydan ke peymana mabênê DYA û Tirkîya ya qaşo seba asayîşê sînorî ya, bîya peymana ke verê dagîrkerîye akena. Dewleta Tirkî şaşî kena û ceza dana şaranê Vakurê Sûrîye.”

KCKyî dewamê îzehetê xo de dîyar kerdo hêrişê dewleta Tirkî vera Vakur û Rojhelatê Sûrîye de yeno manaya ke hêrişê pêroyê şaran ê Sûrîye û Rojhelatê Mîyanênî bêrê kerdene û wina dewam kerdo: “Ganî pêroyê merdimîye xo ver bido. Senî ke vera DAÎŞî de îttîfaqê pawitişê erjê merdimîye ame kerdene, ganî nika zî vera dagîrkerîya dewleta Tirkî cepheyo demokratîk bêro awankerdene.”

Wa herkes no xoverdayîş de cayê xo bigîro

KCKyî îzehetê xo de vato amancê hêrişê dewleta Tirkî Kurdî yî û wina qedênayo: “Ganî şarê ma yê her parçeyê Kurdîstanî werzîyo payan ser û piştî bido şarê Vakur û Rojhelatê Sûrîye. Roje roja serewedaritişî ya, roje roja çinbîyayîşê faşîzmê AKP û MHPyî ya. Ma veng danê her kesî ke wa nê xoverdayîşê tarîxî de ca bigêrê.”

BEHDÎNAN

Yazarın diğer yazıları

    None Found