Li Zanîngeha Dortmundê zimanê Kurdî

Bi hevkariya Zaningeha Dortmundê IUBH, Yekîtiya Mamosteyên Kurd li Ewrûpayê, Înstîtuya Kurdî ji bo Lekolîn û Zanistê, Tora Aklademisyenên Kurd li Elmanyayê Kurd-AKAD 29ʼê Sibatê li Zanîngeha Dortmundê bi navê “Zimanê Dayikê, pirrzimanî û cihêrengî: Zehmetî û derfet” konferansekê organîze dike.

Konferans wê 29ʼê Sibatê saet 12ʼan dest pê bike. Di foruma yekê ya konferansê de mijar Zimanê Dayikê û Pirrzimanî ye. Prof. Dr. Katharina Brisic ji Zaningeha Freiburgê, Dr. Renate Delucchi ji Zaningeha Dortmundê û mamoste Abdulkadir Ulumaskan weke serokê Komeleya Mamosteyên Kurd a li Ewrûpayê (YMK) di vê beşê de qiserker in.  Di foruma diduyê de mijar “Danûstendina di navbera ziman, wêje û civakê” ye.  Dr. Şefik Tagay ê ji Zanîngeha Kolnê,  Dr. Ibrahim Seydo Aydogan ji Zanîngeha INALCO´yê, lêkolîner Dawid Yeşîlmen ji Zaningeha Duisburg-Essenê qisekerên vê rûniştinê ne.
Konferans bi bi panela “Pirrengîbûn, Pirrzimanîbûn û Întegrasyon”ê bi dawî dibe. Şêwirmenda AWOyê ya Federal ji bo Migrasyona Zarokên Pirrçandî Dr. Talibe Süzen, Mamoste û Berdevka AK Kurdistan di GEWʼê de li Bremenê Hamdiye Ertas di vê panelê de wê minaqeşeyan bikin û bersivê bidin pirsên haziran jî.

NAVENDA NÛÇEYAN

Yazarın diğer yazıları

    None Found