Lîsteyê Kurd weçînayişê ra hadre yo

Şinasdayişê Lîsteyê Kurd ser di Salona Elaganzê Maînz de kombîyayiş ame viraştiş. Kombîyayişê ra Navenda Komeleya Kurd ê Demokratîk, Navenda Kultura Pazarcixî, Cemxaneya Alzey, Navenda Kultura Elewî, Komeleya Dêrsimê ya Maînzî, endamê Cemxaneya Gustavsburgê yê Maînz û koçber beşdar bîyê.
Di kombîyayişê de wekîlê serekê NAV-DEMî Bahaddîn Dogan, serekê Navenda Kultura Pazarcixî Azîz Uspak, endamê Rayedarê yê Cemxaneya Alzey Kemal Gulçehre, sereka AGARPî Nurhayat Canpolat û berpirsîyarê weçînayişê Carlos Wîttmer qise kerdî.

KOBANÊ RA HETKARÎ

Heme qiseykerdoxê di qise xo de xoverodayişê Kobanê ra bal ontî û rewş muhîmî ya Kobanê ser qise kerdî. Wekîlê serekê NAV-DEMî Bahaddîn Dogan di kombîyayişê de xebatê NAV-DEM û muhîmî ya NAV-DEMî ya seba koçberê kurd qise kerd.
Dogan vat ke di Almanyayê de rayvisbîyîşê kurdan zaf muhîm o û wina vat: “No ser zî ganî heme endamê înan rayedarê heremê ya Almanyayê de ca bigêrê. No ser zî rayvistbîyîşê komeleyê, no hamleyê ser zaf muhîm a.”
Serekê Navenda Kultura Pazarcixî Azîz Uspak zî aşkera kerd ke ganîyo ke heme sazîyê koçberî bêrê pawiyayiş.
Bi nameyê Cemxaneya Alzey zî Kemal Gulçefre ciresna ke wa ciwanê koçberî zî di warê sîyasetî de cayê xo bigêrê û heme koçberan awanbîyîşê xo ra wayîr bivejî.

Di kombîyayişê sereka AGARPî Nurhaya Canpolat zî di pêroyina eyaletî de wezîfeyê meclîsê ahengî ser agahî da. Hewna wezîfedarê weçînayişê Carlos Wîttmer zî muhîmî ya kombîyayişê ser bal ont. Peynîya qiseyan heqê dayişê ray ser sînevîzyon ame pêşkêş kerdiş. 

MAÎNZ

Yazarın diğer yazıları

    None Found