Luksemburgî ra heta Strasbourgî çalakîye

 ‘’Seba Ocalanî azadîye-Ma pîya vera faşîzmî rawurzê’’ bibê ke mabênê 9 û 15ê sibate de do bêro kerdene. Rayraşîyayîş Strasbourg de bi nawnayîşêkê xurtî do dewam bikero.

Serrgêra 21. a komployê mîyanneteweyî ya 15ê sibate de Luksemburgî ra heta Strasbourgî rayraşîyayîşo derg do bêro kerdene. Şorişgêrê zaf neteweyan do tewrê rayraşîyayîşî bibê.

Înîsîyatîfê ‘Seba Ocalanî Azadîye’ yê Mîyanneteweyî eşkerayîyêke daye û pare kerd ke serrgêra komloyê mîyanneteweyî ya vera Rayberê Şarê Kurdî Abdullah Ocalanî de rayraşîyayîşêko derg do bêro kerdene. Rayraşîyayîş bi sloganê ‘’Seba Ocalanî azadîye-Pîya vera faşîzmî rawurzê’’ do bêro kerdene û 9ê sibate de Luksemburg de do dest pêbiko.

Eşkerayîya înîsîyatîfî de ame parekerdene ke Şorişê Rojawanî yo ke bi vînayîşê Ocalanî ame awankerdene vera teda û îqtîdarîye bî hêvî. Şerwanê QSD, YPG-YPJyî yê ke bi serran vera cerganê DAÎŞî têkoşîn kerd nika zî xîret kenê ke şarê xo vera qirkerdişanê cerganê dewleta tirke bipawê.

Mesela kurdan wayîrê rolêkê eşkera yo

Eşkerayîye de ame vîrvistene ke îşxalê vera rojawanî yê 9ê teşrîna verêne roja komloya mîyanneteweyî de dest pêkerd. Eşkerayîye wina dewam kerd: “Hêzanê mîyanneteweyîyan ê ke vîst serrî verê cû waştêne Şorişê Kurdîstanî bifetisnê rayberê ci Ocalan tepişt. Nika zî Komelê Mîyanneteweyî û NATO seba çinkerdişê destkewteyanê Rojawanî verê Tirkîya da herême.

Ocalan seba demokratîzebîyayîşê Tirkîya û çareserîya haştîyane ya mesela kurdan wayîrê rolêkê eşkera yo.

Ocalanî 2019 de pêşnîyazê xo yê haştîyaneyî pêşkêşê Tirkîya kerdî la bi tecrîdî ci rê cewab ame dayene. Bi qeyûman zî destkewteyanê şarê kurdan rê cewab ame dayene.

Paştdayîşê mîyanneteweyî

Paştdayîşê mîyanneteweyî yê bi Rojawanî nîşan dano ke felsefeya Abdullah Ocalanî seba pêro hêzanê demokratîkan bîye hêvî. Ma na hêvî seba azadîye Ocalanî pîya vera faşîzmî bivejê meydanan. Ma venga pêro enternasyonalîstan danê ke beşdarê rayraşîyayîşê dergî yê ‘’Seba Ocalanî azadîye-Ma pîya vera faşîzmî rawurzê’’ bibê ke mabênê 9 û 15ê sibate de do bêro kerdene. Rayraşîyayîş Strasbourg de bi nawnayîşêkê xurtî do dewam bikero.”

Eşkerayîya înîsîyatîfî de ame parekerdene ke êyê ke wazenê tewrê rayraşîyayîşî bibê eşkenê maîlê [email protected] ser o înan reyde têkilîye virazê.

Rayraşîyayîşê dergî yê vera komployî ra verî çalakîkerî şaristanê Saarbruckenî yê Almanya ra ver bi Luksemburgî şorê. Heman roje çalakîkerî do Luksemburgî ra verê xo bidê Strasbourgî. Bi rayraşîyayîşê dergî 15ê sibate roja şemeyî de çalakîkerî do xo biresnê Strasbourgî û bi tewrbîyayîşî nawnayîş û rayraşîyayîş pîl bikerê.

MERKEZÊ XEBERAN

Yazarın diğer yazıları

    None Found