‘Ma do erdê xo nêteriknê!’

Hêrişê dagîrkerîye yê dewleta Tirkî yê vera Vakur û Rojhelatê Sûrîye dewam kenê. Şervanê QSDyî zî bi xoverdayîşêko tarîxî vera hêrişanê dagîrkerîye yê dewleta Tirkî de vindenê. Sivîlê ke bajaranê cîyayan ê Vakur û Rojhelatê Sûrîye ra vizêr seba piştdayîş û wayîrvejîyayîşê xoverdayîşî verê xo dayî Serêkanîye, bîyî hedefê artêşa Tirkî ya dagîrkere û çeteyan.

Hêrişî ver 11 kesî merdî û tewr tay 78 kesî zî birîndar bîyî. Birîndarî ameyî berdene bi nêweşxaneyanê cîya-cîyayan ê herême. Kesê ke merdî ra yew zî muxabîrê ajansê ANHA Seed Ehmed bi. Birîndaran mîyan de 4 rojnamegerî zî estbîy.

Birîndaran dîyar kerd ke Kurdî Vakur û Rojhelatê Sûrîye de şaranê bînan reyde mabênê yewîye û pêkerdişî de yo û wina va: “Ma do erdê xo ti kesan rê nêverdê û ma do heta peynîye xover bidî. ”

ANF/HESEKÊ

Yazarın diğer yazıları

    None Found