Ma erdê xo Erdogan û cergeyanê ey rê nêverdenî

Şerwanê erebî yê ke cepheyê Til Temirî û Serêkanîye de xo ver danê, vat: “Ma seba erd, şar û rûmetê xo xo ver danê.”

Vera Vakur û Rojhelatê Sûrîye hêrişê artêşa Tirkan a îşxalkere û cergeyanê aye dewam kenê. Vera nê hêrişan şarê ereban, kurdan, sûryanîyan û ssûran erdê xo pîya pawenê. Şerananê Erban ê ke xeta Til Temirî û Serêkanîye ser ê vat: “Ma şehîd zî bibê, birîndar zî bibê ma do destûr nêdê îşxalkeran.”

Şerwanê YPGyî Hisên Xelefî vat: “Ez seba ke erdê xo û şarê xo bipawa ameya tîya. YPG het tim estbi û do estbo. Ma vera hêrişan xo ver danê. Ma do erdê xo înan rê nêverdê.”

Şerwanê YPGyî Necîbî vat: “Ez seba ney çi ewro tîya de ya. Erdogan wazeno erdê ma îşxal biko, ma zî vera ney xo ver danê.”

Ebû Şîrînî vat: “Ma seba erdê xo, şar û rûmetê xo tîya de yê. Ma do nêverdê ke Erdogan erdê ma ra parçeyêk bigêro. Ma şehîd zî bibê, birîndar zî bibê ma do destûr nêdê ke Erdogan û cergeyê ey erdê ma îşxal bikê.”

MERKEZÊ XEBERAN

Yazarın diğer yazıları

    None Found