Ma herre û şarê xo pawenî

PÎRDOGAN KEMAL / TUFAN DERSIM / ANF / BEHDÎNAN 

Vera dewleta tirkî ke wazena Başûrê Kurdîstanî dagîr bikero de xoverdayîşê gerîlayan dewam keno. Gerîlayan heta nika xeylê derbeyî dayî leşkeranê artêşa tirkî ro û vînîbîyayê girdî yê artêşa tirkî estî. Gerîlayanê Kurdîstanî derheqê xoverdayîşê gerîlayan de qisey kerd.

Gerîlayan ra Dêrsim Sakîne yo ke Başûrê Kurdistanî ra tewrê gerîlayî bîyo, waşt ke wa Kurdî vera dişmenî de hîşar bibo û wina va: “Ganî şarê ma hêrişê dişmenî hol fam bikero. Dewleta Tirkî semedê qedînayîşê Tevgerê Azadîye vera Başûrê Kurdistanî de şer da destpêkerdene. Waştişê înan çinkerdişê Kurdan o. Şarê ma ganî raştîya dagîrkeran hol bivîno û vera înan de bivejîyo. Nê hêrişî tena vera PKKyî de nênê viraştene. Hêrişê heme Kurdan kenê. Seba ke Kurdan herra înan de bikerê macîr, her roje şarê ma ser o bombayan varnênê.”

Dêrsim Sakîne bale ant xoverdayîşê gerîlayan ser û wina va: “Nêtîceyê hêrişê dewleta Tirkî de qij, cinî, kal, pîr û xeylê Kurdî yenî qetilkerdene. Ma semedê şarê Kurdistanî û herra ci, şer kenê. Şarê ma yê Başûrî ganî bi ruhê Şêladizê sere wedarno, biwerzo lingan ser. Ganî şar û gerîlayî yewbînan temam bikerê. Ciwanê Kurdan zî ganî vera nê hêrişan de verê xo bidê koyanê Kurdistanî û herra xo bipawê.”

Kurdî estî û do her tim bibê

Gerîla Helo Helmetî zî dîyar kerd ke hêrişê dewleta Tirkî yê Başûrê Kurdistanî her roje zêde benî û wina domna: “Ganî her ciwanê Kurdî vera dagîrkerî de semedê pawitişê welatê xo tê bigêro. Dişmen bi mehneyê qedînayîşê PKKyî wazeno ke herra Başûrê Kurdistanî dagîr bikero. Ciwanî ganî vera naye de cewab bibê. Dagîrkerî ganî fam bikerê ke Kurdî estî û do her tim bibê. Bi bombekerdişî wazenê herre û tebîetê Kurdistanî talan bikerê. Ma sey gerîlayî heta peynî do herre û şarê xo bipawê.”

Yazarın diğer yazıları

    None Found