Ma nê firsendan bixebitnê

Endamê Dîwanê Kongreya Komelê Demokratîkî (KCD) Hîlmî Aydogdîyî derheqê tecrîdê Rayberê Şarê Kurdan Abdullah Ocalanî, hêrişê Tirkîya yê vera Rojawanî û yewîya neteweyî ya kurdan de ANFyî reyde qisey kerd.

Qiseykerdişê Aydogduyî wina yo:”Mabênê tecrîdê Ocalanî û îşxalê Rojawanî de têkilîyêka organîke esta. Komploya mîyanneteweyî û îşxalê Rojawanî heman roje dest pêkerd. Îşxalê Rojawanî dewamê komploya mîyanneteweyî yo. Wazenê Şorişê Rojawanî yo ke rayberîya stratejîye û paradîgmaya Ocalanî de ame sazkerdene, tasfîye bikê. Dewleta Tirkan bi nê hawayî mesaj dana ke a do destûr nêda ke Kurdî bibê wayîrê statuyêkî. Eke tecrîd biqedîyo îşxal zî qedîyeno. Bi îşxalê Rojawanî mesela kurdan hînî têna mesela Tirkîya nîya, mesela dinya ya. No firsendêk o û ma ganî ney bixebitnê.

Ganî Rojawan têna sey Rojawan nêro dîyene. Rojawan wîjdanê dinya yo. Eke DAÎŞ Rojawanî de ser bikewtêne dore amayêne Başûrê Kurdistanî zî. Ganî kurdî wayîrê nê firsendanê tarîxîyan bivejîyê. Vera hêrişan kurdî ganî xo ver bidê û wayîrê destkewteyanê xo bivejîyê. Ganî ma yewîya xo saz bikê. Kurdî her ca de îşxalan şermezar kenê, boykot kenê. Labelê no têna bes nîyo. Ganî kurdî reya verêne yewîya xo saz bikê û seba Kongreya Neteweyî ya Kurdan tevbigêrê.”

ANF/AMED

Yazarın diğer yazıları

    None Found