‘Ma ra gef wendî’

Sakîne Cansiz hem ronayoxa Tevgera Azadîyê bi hem zî bi vindertişê xo tena cenîyê kurd nê Tevgera Cenîyê Tirkîyaye ra zî rayvertî kerdbi. Sakîne Cansiz, temsîlkara KNKî Fîdan Dogan û endama Tevgera Ciwanî Leyla Şeylemez reyde di 9 çele 2013’ê di Parîsa Fransayî de ameybi qetilkerdiş.

Şorişger Sakîne

Serra 1958’ê di dewa Kirakosa Dêrsimî de ame dinya û malbata Sara nêm karmend nêm zî karker bi. Wendegehê sifteyin û mîyanê di Dêrsimî de wend û lîseyî zî navenda Dêrsimî taxa Alîbabaye de peynî kerd. Di serra 1970’yî de pêroyina dinyaye de vaya tevgera şorişger estbi.Di serra 70’an de taybetê ser Dêrsimî polîtîkayê tade û zilmî zêdîyaybîy, taybetê elaqaya Cansizî ya şorişgerî ra qewimyayişê Pîr Sultan a 1969’ê bi semed. Serra 1969’î de yew kaya tîyatroya babetê Pîr Sultan Abdalî ameybi dest girewtiş la belê pergala faşîst na kaye ra asteng bibî û peynî zî di qewimyayişî de welatijê bi nameyê Mehmet Kilan cuyayişê xo dabi. Peynîya no qewimyayişî zî ser şarê Dêrsimî de tade û zilma dewlete hîna zêdîya.
Nêy tade û zilman ser bawereya şorişgereya Cansizî hîna xurt bi. Hemşaredara Dêrsimî Nurhayat Altun zî Cansizî ser qise kerd.

Ez înan bera koyî

Altun aşkera kerd ke dema ke Sakîne banê înan ameynê, înan zaf heqê a de çik nêzanaynê tena zanaynê ke mêrdeyê xo ra ciya bîya û ameya û wina vat: “Maya min Sakîneyî ra ona wayîr vejîya bike Sakîne zey endama malbata ma bibî. No ser zî ma di dema zîndane de qet Sakîneyî tena vera nêda. Eynî di zîndane de hem kekoyê min hem ateya min mendî. Dema birazayê min Cumalî şehîd kewt, no demî zaf hutelek bi. Roj ke Cumalî ma ra vat; do dema ke ez pîl biba, zîndana Amedî ra bi kenayişê tunelî maya xo û yaykeya Sakîneyî biremno û peynî zî înan bigêro û bêro koyî. Qet vîra min no vatişê Cumalî nêşona.”

Dîroka me pak bikerî

 Altun destnîşan kerd ke Cansiz di cuyayişê xo de hetanê peynî têkoşîn da û wina peynî kerd: “Cansiz hem kamîya elewî hem kamîya cenî hem zî kamîya cenî ser xo kiriştî û no ser zî Cansiz taybetê seba terteleyê ame weçînayiş û ma ra peyam day; do ma şima dîrokî ra pak bikerî û ma kamîya şima zî nêşinasnî la nêzanay ke ma têkoşina ra hîna hêz girewtî.” 

SEVÎNÇ ZELAL ATAŞ/DÎHA/DÊRSIM

Yazarın diğer yazıları

    None Found