‘Merdim encex eşkeno xo rexne bikero’

Gerîlayê HPGyî Nûman Amedo ke şorişgera cinî Sakîne Cansize şinasneno, serrgêra şehadetê aye de qala Sakîne Cansize kerd.Amedî va ‘serrgêra embaza Sakîne de qiseykerdiş xeylê zehmetin o’ û wina domna: “Xeylê rojî estî ke merdim qet nêwazeno ke bîyaro vîrê xo. Nê rojan ra yewe roja 15ê sibate ya, ya bîn zî roja şehadetê embaza Sara ya. Nê her di rojî hem hetê ruhî û hem zî hetê şertê tebîetî yewbînan manenî. Her diyan de zî zimistan zaf xedar derbaz bî û her dîyan zî tesîrêko gird ser ma de viraşt.”

Temsîlkarîya cinî kerdêne

Amedî dewamê qiseykerdişê xo de dîyar kerde ke ‘embaza Sakîne şexsîyetê cinîyêk de serkewtişî xelq kerde’ û wina va: “Mi serra 96 de warê Rayberî de embaza Sara şinasna. Tayê şexsîyetî estî, her tim herikîyenî. Tarîxê cinîyê dinya de şexsîyetê sey Rosa Luksemburge, Klara Zetkîne û sewbîna estî.  Embaza Sara mîyanê PKKyî de temsîlkarîya şexsîyetê cinî kerdêne. Goreyê mi cinîyê sey Sara kêmî yî. Vera şexsîyetêko winasî de ancax merdim eşkeno xo rexne bikero.”

Zaf hetkarî dayêne embazan

Amedî peynîya qiseykerdişê xo de va ‘nê xusûsîyetê embaza Sara zaf mi ser de tesîr kerdî’ û wina qedêna: “Çîyê ke seba tebîetê cinî, edalet û wijdanê cinî ameybî vatiş, heme şexsîyetê embaza Sara de roniştbî. Cok ra xeylê embazê ciwanî problemê xo aye reyde pare kerdêne û hetkarî waştêne. Aye zî zaf hetkarî dayêne embazan. Mi zî bi desan reyan zehmetîyê xo bi embaza Sara reyde pare kerdo. Nika zî wendekarêko şêro dibistan û kîtab desê ey de bibo, embaza Sara zî sey kîtabêk destê mi ver de ya.”   

Yazarın diğer yazıları

    None Found