Minbicî de hucreyê DAÎŞî ame çinkerdene

Yewîyanê Antîteroran ê ke pabesteyê Meclîsê Leşkerî yê Minbicî yê çeteyê DAÎŞî yê ke sey hucreyêk gureyayêne û keyeyê DAÎŞî kampî ra remnayêne berdêne Tirkîya tepiştî.

Buroyê Îrtîbatî yê Meclîsê Leşkerî yê Minbicî babete ser o beyanatêk da û vat: “Yewîyanê Antîteroran xebatî taqîb kerdî û hucre çin kerd. Nê hucreyî kerdêne ke cerganê DAÎŞî yê Kampa Holî biremnê û derbazê Tirkîya yan zî herêmanê bînan bikê.”

Buroyî pare kerd ke endamê hucreyî wexto ke xîret kerdêne 6 cinîyê DAÎŞî û cergêkê bînî yo ke şerê Dêra Zorî de birîndar bibi Kampa Holî ra biremnê herêmanê bînan ê ke binê îşxalê Artêşa Tirke de yê ameyî tepiştene.

Gore beyanatê Buroyê Îrtîbatê Meclîsê Leşkerî yê Minbicî cergêkê bi nameyê ‘’Ebû Nacî’’ îtîraf kerd ke fermandarê cergan Ehrar El-Şamî herêmêka ‘’Mertalê Firatî’’ de yo: “No hucre seba ke wezîfedarê hucreyî endamanê DAÎŞî û keyeyanê înan biremnê Tirkîya û herêmanê ke binê kontrolê Tirkîya de yê bi fermanê Tirkîya ame awankerdene.

Cergî ‘’Ebû Nacî’’ îtîraf kerd ke şaristananê Minbic û Hesekê de zaf teqayîşî kerdî ke netîceyê înan de bi desan sivîlî şehîd bîyî.

MINBIC

Yazarın diğer yazıları

    None Found