‘Nê zulmî ra xelisîyayîş bi azadîya Ocalanî beno’

Çalakîya nobeta ‘Seba Ocalanî azadîye’ke verê Konseya Ewropa de seba azadîya Rayberê Şarê Kurdî Abdullah Ocalanî yena kerdene hewteyê 395. de bi komêka newîye dewam kena.

Çalakîya ‘Seba Ocalanî Nobeta Azadîye’ 2760 roj ê ke verê bînaya Konseya Ewropa ya şaristanê Strasbourgî ya Fransa de dewam kena. Hew hewte şaristanêkê cîyayî yê Ewropa ra komêke bena nobetdar. Nobetdarê nê hewteyî zî 3 kes ê ke şaristanê Rennesî yê Fransa ra yê.

Salîh Hoca, Şêxmûs Amed û Erhan Aktay dest pê nobete kerd û yeno pawitene ke mabênê hewteyî de tay kurdîstanijê bînî zî beşdarê çalakîye bibê.

Salîh Hocayî nameyê kome ser o eşkerayîyêke daye û îfade kerd ke tewirê Vergirewtişê Îşkenceyî yê Konseya Ewropa (CPT) derheqê tecrîdê Ocalanî de xizmetê dewleta tirke keno.

Salîh Hocayî vist vîrî ke bi rayîrê tecrîdî têkilîya tepişteyan yenê astengerdene û CPT rexne kerd ke CPT vera nê tecrîdî tewirêko zelal nêmojneno.

Vervatoxê kome ard ziwan ke şarê kurdî û terefgîrê demokrasîyî ganî dormeyê Ocalanî de bibê yew û vat: “Eke kurdî û demokratî wazenê Tirkîya demokratîk biba ganî bizanê ke Ocalan azad bibo. Her kes nê zulmî vîneno û rayîrê xelisîyayîşê nê zulmî zî azadîya Ocalanî yo.”

Nobeta ‘Seba Ocalanî Azadîye’ ke seba azadîya Rayberê  Şarê Kurdî Abdullah Ocalanî yeno kerdene 25ê hezîranê 2012î de dest pêkerdbi. Heta nika 2 hezarî ra zêdêr kesî tewrê na çalakîya bîyî û bêmabên dewam kena.

ANF/STRASBOURG

Yazarın diğer yazıları

    None Found