Necîbe kilamanê xo seba Guvene vana

AYŞE SURME / MA / ÎDIR

Necîbe Akgola ke bajarê Îdirî de cuyena û domanîya xo ra nat o ke dengbêjîye kena, bena meymananê keyeyan û kilamanê xo vana. Akgole hem kilamanê kehenan û hem zî bi hawayo tebîî deyîran virazena û vana. Dengbêja cinîye nê rojan de seba Leyla Guvena ke grevê vêşanîye de ya, kilaman vana.

Akgole vana ‘tarîxê dengbêjîye zaf kehen o’ û wina domnena: “Ma eşq, koç, şer, merg, eza û kêfweşîyanê xo kenî kilame û vanî. Ma qala cuya xo kenî. Mi şahidîya xeylê çîyan kerd. Wexto ke ez zext û tedayan vînena, nêyî mi fek ra vejîyenî. Roja ke grevî dest pêkerdî ra nata her ke ma keyeyan de yenî têhet, ez kilamanê xo de qala grevanê vêşanîye kena. Yê ke grev de yî sey domananê min î. Tena armancekê grevan esto, o zî wedarnayîşê tecrîdî yo. Ganî ma vera zulmî de sere nêronî û hetê yewbînan de bivinderî.”

Akgole kilamêka winasî Leyla Guvene ser o viraşta: “Vatêne dayê ez Amedî ra ewnîyena, kerra kerra ser o nêmenda/ Ez ewnîyena hawara ma kurdan a/ Leyla 187 rojî yo ke grevê vêşanî de ya/ Ez do xo qurbanê to bikera Leylayê/ Çimê aye aştî û biratî de yî /Ax delalê delalê / Vatêne sereyê ma ser o fermanêk esto/ Vatêne dayê fermanê ma hemînan werişto / Vatêne hele bala xo bidênê, tîya ra heta Kobanê çiqas gonîya ma rijîyaya/ Ax delalê delalê / Vatêne dayê keso ke hetkarîya ma bikero, çin o/ Ax delalê delalê.”

Yazarın diğer yazıları

    None Found