Netîceyê hêrişan de 4 sîvîlî birîndar bîyî

Hêrişê dewleta Tirkî yê vera Başûrê Kurdîstanî bêmabên dewam kenî. Teyarayanê artêşa Tirkî Qendîl, Xakûrkê û Bradost de xeylê wareyî bombe kerdî. Cayê ke ameyî bombekerdene zafane dewê ke sivîlî cuyayene bî û netîceyê hêrişan de 4 sivîlî birîndar bîyî.

Goreyê çimeyanê herêmîyan, teyarayan vizêr serê sibayî saete 7.30 de dewê Silê û Bolê yê Binarê Qendîlî bombe kerdî. Netîceyê bombardûmanî de 2 banê sivîlan yê dewa Bolê, zirarêko gird dî û netîceyê hêrişî de 4 sivîlî birîndar bîyî. Ame musayene ke birîndaran ra rewşa Ehme Ebdullahî zaf giran a.

Bombardûmanî ra dima herême de firayîşê teyarayanê keşfî bi saetan dewam kerd. Teyarayanê şerî saete 9.30 de na reye wareyanê Xakurkê û Bradostî zî bombe kerdî. Reyna beldeyanê Wertê û Qesrê yê qezaya Çomanî ya Hewlêrî yî de zî firayîşê teyarayanê keşfî dewam kenî.

ROJNEWS / QENDÎL

Yazarın diğer yazıları

    None Found