‘No serkewtişê xoverdayîşê kolektîfî yo’

RONÎ ARAM / ANF / STENBOL 

Roger Tîrej Ozalpo ke Zîndanê Tekîrdagî yê Tîpê Fyî yê Hûmara 2. de yo, xoverdayoxanê grevê vêşanîye ra yew o ke 16ê Kanûna 2018î de kewto grevê vêşanîye. Ozalpî da zanayene netîceyo ke vejîyayo werte serkewtişê têkoşînê kolektîfî yo û va ‘netîceyê xoverdayîşî de tewirê dewleta Tirkî û CPT yo ke tecrîd rewa vîneno ame şiknayene’.

Ozalpî va ‘serkewtişo ke vejîyayo werte, tena serkewtişê xoverdayîşê zîndanan nîyo’ û wina domna: “Eserê kede û cehdkerdişêkê kolektîfî yo. Sere de xoverdayîşê Dayîkanê Aştîye, netîceyêkê têkoşînê muxalîfan û heme beşanê cimatî yo. Eynî wext de tewirê dostanê ma yê têgêrayîşê şorigêran ê Tirkîya, paştdayîşê înan ê madî û manewî yê çalakîye, serkewtişê çalakîye de tesîrêko muhîm kerd.”

Ozalpî dîyar kerd ke wextêk ra tepîya do bêro dîyayene ke tecrîd bi temamî ameyo wedarnayene ya ney, Ocalan do eşkeno bi hawayêko azad karê xo bikero yan ney û wina va: “Labelê qedîyayîşê qexedeyê pêvînayîşê avûkatan, nîşan dano ke nêzdîbîyayîşê dewleta Tirkî û CPTyî yo ke tecrîdî rewa vîneno, ame şiknayene. Serdayîşê înan ê zîndanan, serdayîşê înan ê Zîndanê Îmrali yo ke dimayê çend serran yeno kerdene, nîşananê serkewtişê çalakîya ke serkêşîya Leyla Guvene de ameya destpêkerdene yo. Çalakîye eynî wext de polîtîkaya hemilnayîş û zordarî ya faşîzmê AKP-MHPyî ya vera şarê Kurdî û hêzanê sosyalîst, demokrat û mûxalîfan de bin kerde.”

Yazarın diğer yazıları

    None Found