Nobete Kurdanê Saarbruckenî de ya

Çalakîya Nobeta Ocalanî rê Azadîye ya ke vernîya Konseyê Ewropa yê bajarê Strasbourgî yê Fransa de yena viraştene, hewteyo 376. de ya. Çalakîya Nobeta Ocalanî rê Azadîye ke 25ê Hezîrana 2012î de dest pêkerdb, eynî wext de çalakîya tewr derge ya Kurdan a û heta nika 2 hezar ra zafêr Kurdî û dostê înan tewrê ci bîyî.

Çalakîya ke her hewte bajaranê cîya-cîyayan yê Ewropa ra kurdistanijî rayra benê û aşme de tewr tay rayêk endamê Tevgerê Cinîyanê Kurdan ê Ewropa (TJK-E) dewr gênê, no hewte hetê Daxîl Îbrahîm, Evdila Goktaş, Azîz Ektîren û Ramazan Ozgun ê ke bajarê Saarbruckenî yê Almanya ra ameyî, yena rayraberdene.

Grûba ke roja Yewşeme çalakîye endamanê Federasyonê Elewîyanê Demokratîke (FEDA) ra dewr girewte, eşkerayîyêk daye û waşt ke wa her kes wayîrê çalakîye bivejîyo. Eşkerayîya ke hetê çalakgêr û endamanê Komîteya Amadakarîye ya Nobeta Azadîye Zulfu Bîngolî ra ameye dayene de Rojeyê 12 Îmaman yê Elewîyan zî ame pîrozkerdene.

STRASBOURG

Yazarın diğer yazıları

    None Found