Ocalan bû hembajariyê Berceto

Şaredariya Berceto ya li bakurê Îtalyayê, belgeya “Hembajariya Rûmetê” da Rêberê Gelê Kurd Abdullah Ocalan. Her wiha li gel belgeya hembajarîbûnê, Şaredariya Berceto belgeyeke din da ku tê de dinivîse: “Îtirafê bi maf û heqên Kurdan dike”. Li Îtalyayê ev bû şaredariya 11’emîn ku xelata “Hembajariya Rûmetê” dide Abdullah Ocalan.

Xelatkirin pêr li Berceto û bi tevlîbûna serokê şaredariyê Luigi Lucchi pêk hat. Ji bo xelata Ocalan werbire, parêzara wî Newroz Uysal hazir bû. Lûcchî di merasîmê de axivî û bal kişand ser komkujiyên ku heta niha li gelê Kurd hatine kirin. Lûcchî got, gelê Kurd êdî bi tenê nîne û wê teqez mafên xwe yên bingehîn werbigire. Her wiha parêzer Newroz Uysal jî li wir peyivî û got, Ocalan 20 sal in li giravekê tecrîdkirî ye û ji bo bidawîbûna tecrîdê û azadiya Ocalan piştevanî û têkoşîneke navneteweyî divê. Xelatkirin bi stranên muzîkjenên Kurd û Îtalyayî û bi gerandina govendê bi dawî bû.

BERCETO

Yazarın diğer yazıları

    None Found