Oxir bo 2016

Serra 2016, sey serrêk gît û tofanî bî. Yew nêzano senî vîyert. Belkî tarîxî dinya de serrêk hina sey va û tofan nêameya ciwîyayîş. Qey Kurd û Kurdistan zî hina bî. 

2016 de zaf çîyê bîyê. Neyar Kurd û Kurdistanê dewleta tirk zaf hedefî eştî bî vernîyê xo. Ehmed Dawidoglu vatêne, ma peynîyê sibatî de meselaya şerqî(Kurd û Kurdistan) hal kenî. Meselaya Kurd û Kurdistan hal nêbî. Dawidoglu ame halkerdiş. Gulan de hukimatê eyê kewt. Erdoganê 20 Nîsanê de vat, “Ma PKK binvista” yane ma berda. Rojnameyê Hurîyetî zî no qiseyê Erdoganê kerd manşetê xo. La qiseyê Erdoganê dima ra PKK hîna şerêk zaf bi hêz û qewet kerd. Reyna Erdoganê vat, Eger hêzê Kurd, Rojavayê Kurdistanê de derbasê Rojawanê  Çemê Firatê bibenê ma qebûl nêkenî. Vatişê Erdoganê dima ra hêzên QSD derbasê Minbicê bîyê û Minbic azad kerd. Dewleta Tirk kewt Cereblus, Extarîn û hetê Bab û Şehba la çiqasî hemberê hêzên QSD şer kerdi zî nêşkeya hêzên QSD.

Erdogan va ma kewnê Mûsil û Reqayê la Mûsil û Reqa nêbi barê Erdogan înan. Wezîre Erdoganî Efgan Alayî va ma qire şervanê Kurdistanê anî. Peynîyê peynî de Efgan Ala gureyê wezîrî ra ame girewtiş. Nika zî Silêman Soysuz ameyo nê gureyê ser. Fekê xo akeno vano, ma hina hina anî ser PKK. Ge ge vano ma aşme nîsanê dima ra PKK qednenî. Ge ge vano ma heta aşme adare PKK ra eser nêverdenê. Hina aseno aqibetê wezîranê bîn senî bîyo, do ê Silêman Soysuz zî hina bibo. 

Xora çalakîya Amed, Stanbol û Qeyserî dima ra çend rojî vîyertibi Silêman Soysuz yew qisey nêkerdêne. Bibi kerr û lal.

Hina asano ke çend çalakîyê bîn bibenê Silêman Soysuz hina biremo ke xo rê qulêk zî nêvîno.  Vanê ya “Her nêşkeno herî, vazdano ser kurtanî. “

Rewşa dewleta tirk û AKP hina bi. Hetê şerî de nêşkenî gerîlayê Kurdistanê, hêrîşê HDP û DBP kenî.

Beledîyê şarê kurdî  yew bi yew dagîrkenî. Ala tirk ayê nîşaneyê dagîrkerî aliqnenî. Ser HDP û DBP’yîyan hêrîş kenî. Hema hema pêronê HDP û DBP’yîyan ameyê esîrvistişî. 

Dewleta tirk vana ke qey ez hina bikerî ez serkewna. AKP û dewleta tirk hina hesab kena. La hesabê înan zaf şaş o. AKP û dewleta tirk sebikero sernêkewna. 

Şarê Kurd û hêzên têkoşer ayê şarê kurd senî 2016 de xoverdayîş kerd, pê xoverdayîşê xo AKP û dewleta tirk binvist, do serra 2017 de zî eynî çîyê bikero.

Ez nika ra xoverdayîş û serra newe 2017 ayê Kurd û Kurdistanê bimbarek û fîraz kena.

Yazarın diğer yazıları

    None Found