Partîya Arjantînî serrgera sazkerdişê PKKyî pîroz kerde

Partîya Karker a Arjantînî (Partîdo de Trabajadores) bi peyamêk serrgera 41. ya sazkerdişê PKKyî fîraz kerde.

Partîya Karker a Arjantînî beyanatêko nuştekî weşana û vat “ma sazkerdoxê PKKyî şerwano pîl Abdullah Ocalanî yo ke 20 serre yo bi hawayêkê neheqî hepsî yo selam kenê.”

Beyanatî de vajîya “ma nîşan kenê ke ma Şarê Kurdan reyde yê ke seba sinifa karker û seba afirnayîşê komelêkê teda û zordarîye ra dûrî yo, xo ver dano. Têkoşînê şerwananê kurdano ke roj bi roj şorişê cinîyan û şaran awan keno, seba ma gelekê hêja, destanî û nimûne yo. Cinîyan bi desan serran sebir kerd û bi keda xo vera pederşahî vera Dewleta Îslamî û Dewleta Tirka qirkere vinetî û şorişî rê bereyî kerde.

Ma sazkerdoxanê PKKyî ra Sakîne Cansize û hemrayanê aye Leyla û Fîdane anê xo vîrî ke hetê qetîlanê Dewleta Tirke ra ameyî qetilkerdene.

Ma eynî wextî de sazkerdoxê PKKyî, şerwanê pîlî Abdullah Ocalanî selam kenê ke 20 serre yo bi hawayêkê neheqî hepsî yo. Ma hetê şima de seba azadî şer kenê. Eke Kurdîstan ser bikewo ma zî do ser bikewê.”

Partîya Karker a Arjantînî hovîya Artêşa Tirke şermazar kerde û YPG û YPJyî zî seba xoverdayîşê înan selam kerdî.

MERKEZÊ XEBERAN

Yazarın diğer yazıları

    None Found