Paştê ekonomîya Wanî AKP şikna

Hukûmata AKP vat bi înan do ekonomîya Wanî hewna bidê cuyayişê la no vatişî AKP zî zur vejîya. Nika di Wanî de esnaf îflas kerda.
Rijyayişê 3 hezar banê ser di navend û qezayê Wanî 644 kesê cuyayişê xo vînî kerd û 4 hezar kesî zî birîndar bîyê û nê birîndaran, ardlerzî ra bi hetkarîya kom û merdimê xelas bîy. Peynîya ardlerzî çi heyfo ke AKP kewt peynîya qezencê sîyasîyê.
Di no demî de serekwezîr Erdogan vat bike: “Ma bi no ardlerzî wazenê, hêzê xo biveynê.” Bi no aşkerayê dîyar bike armancê AKP şarê Wanî ra hetkarî nêbi, tena qezencê sîyasî bi. Seba ke teklîfê hetkarî nêame qebul kerdiş, no ser di zaf hûmarîy de kesî cuyayişê xo vinîkerd. Hewna seba ekonomîyeke AKPê soz daybi heme zûr vejîya û ekonomîya Wan nika zaf xirap o, zatî ÎŞKUR zî karkeran karê vet û karkeran têkoşîn danê.
Dewlet sifteyin hewte hêzê mojna la dîy ke qiym nêkeno, welatijan mehkûmê konanê hamnanê kerd. Peynîya ardlerzê yewin no dem Walîyê Wanî Munîr Karaloglu aşkera da û vat ke: “Wa wanijan banê xo ra biagêrê.” No aşkerayê ser wanijan banê xo bi xisarî agêray la belê ardlerzê diyin de no ser zaf kesî cuyayişê xo day. Di pêroyina Kurdistan de welatijan seba maxdûrê ardlerzê Wanî ser destpê kampanya kerd.
Bi hezaran zerrîdarî seba hetkarîyê şîyê Wanî, hewna pêroyina Tirkîyayê seba Wanî hesabê bexşê amey akerdiş la belê hetanê nika hema zî nîno zanayiş ke nê pereyeke amey komkerdiş, ko ca amey xerckerdiş. Di no demî serekwezîr Erdogan seba rantî, destûr nêda ke Wan bibo heremê afetî. Çimkî Erdogan waştê di Wanî de rol û mîsyonê TOKÎ berz bibo ke AKPijan ra rant bêro dayiş.

ERDIŞ VILA BENA
Rewşa ekonomîya Wanî ser endama VANTSOyê Murat Beyaz vat ke peynîya ardlerzî di zaf hûmarîy de cayê karî zirar veyna bi la belê hetanê nika qet hukûmat averşîyîşê ekonomîya Wanê ser çik nêkerd, taybetê peynîya ardlerzî esnaf nêşkîya kar bikero.
Hewna serekê Odeya Lokantager, Bakkalger û Terzîgeran Cabîr Gumuş zî dest nîşan kerd ke di erdlerzî de en gird zirarê ennafê hutelek veynay, peynîya erdlerzî taybetê hukûmatî nêz BÎM û A101 qezenc kerdî û hukûmat qete esnafê ra sozê xo nêtepişt. 
Serekê Bazîrganî yê Erdîşî Îzzet Yagar zî vat ke binê projeyê Bedilnayişê Şaristanî heme planê awanîyê Erdîşî xirap kerdî, nika di Erdîşî de sektorê înşaetê sînorê vindertişî de yo û înan hukûmat reyde pêvînayiş kerd la belê hukûmat qet pirsgirêkê înan ra çareserê veynayişê xebat nêkerdo.

NÎJADPERESTÎYA AKP

Namdarê emlakgerê Erdîşî Halîs Bahçe vat ke taybetê peynîya qezenckerdişê Şaradarîya Erdîşî hukûmat destpê faşîstî û nijadperestî kerd û bi nameyê Bedilnayişê Şaristanî her roj welatijê heremê maxdûr kenî û taybetê weçînayişê heremê nê polîtîkayê maxdûrkerdiş bi destê hukûmata AKP destpê kerd. 

Bahçe aşkera kerd ke arsaya Şaredarîya Erdîşî di normalî de vaya 70 Mîlyon TL bi la belê hukûmat na arsayê TOKÎ ra tena 70 TL rot, esnaf di Wanî de mîyanê serehewanayişî de yê.


SELMAN ÇÎÇEK – ÎDRÎS YILMAZ / DÎHA/WAN

Yazarın diğer yazıları

    None Found