Paytextê Hurîyan paweyê ciewnîyayîşî yo 

MÛRADA KENDA / ANHA / QAMIŞLO

Bajarê Urkeşî ke sey paytextê Hurîyan yeno zanayene, ewro şert û mercê tebîetî û seba ke ciewnîyayîşê ci nêbîyo, ewro ver bi çinîbîyayîşî şono. Bajaro ke sey Girê Mozanî yeno zanayene, 5 kîlometre rojawanê Qamişlo de yo. Girê Mozanî wextê xo de merkezê tîcaretî yê Mezopotamya bîyo.

Berzîya bajarî heta 27 metreyî derg beno û heta nika netîceyê kinitişan de xeylê mendeyî ameyî dîyayene. Herême reya sifteyîne Bîyayîşê Îsayî ra 3 hezar 500 serrî verê hetê Hurîyan ra bîyo paytext. Ewil ahetê Max Mallowanî ra serra 1937î de Girê Mozan de cigêrayîşî ameyî kerdene. Dima ra serra 1984î de cigêrayoxî Marîlyn Kelley Buccellatî û Gîorgîo Buccellatî ameyî herême û herême de cigêrayîşî kerdî.

Şert û mercê herême ver kinitişê herême zî amebî vindarnayene û goreyê tarîxnasan eke herême de cigêrayîşê hîrayî bêrî viraştene, o wext do xeylê çîyê muhîmî bêrî dîyayene. No gir Lîsteya Unesco de ca gêno, labelê heta nika seba pawitişê herême ti tedbîr nêameyo girewtene. Komîteya Arkeolojîyî yê Herêma Cizîrî seba pawitişê girî xeylê muracatî kerdî, labelê heta nika ti netîce nêgirîyayo. Hemserekê Komîteya Arkeolojîyî ya Herêma Cizîrî Amar Ehmedî veng da şarê herême ke wa seba pawitişî hesas bibî.

Yazarın diğer yazıları

    None Found