Piştîdayîşê kampanya zêdîyeno

Qada mîyannetewî de piştîdayîşê Kampanyaya ‘Ocalanî rê Azadîye’ zêdîyeno. Sendîkaya Zanyar û Hunermendan ya Îngilîstanî PROSPECT zî qerarê beşdarbîyayîşê kampanyaya ‘Ocalanî rê Azadî’ bîye.

Merkezê Sendîka Londra de yo û 183 hezarî endamê sendîka est ê. Qerar, kombîyayîşê Heyetê Îdarekarîya Merkezî yê hewteyo verên de ame girewtene. 2 serrî yo Îngilîstan de hetê sendîkayanê girdan ra piştîdayîşêko gird dîyeno kampanyaya ‘Ocalanî rê Azadî-Freedom For Ocalan’.

Kampanya hetê Sendîkayê ke temsîlkarîya bi mîlyonan kedkaran kenê ra yena îdare kerdene. Qerarê Kampanya hetê Sendîkaya tewir pîle ya Îngilîstan û Gallerî ‘Unîte The Unîon’ ke mîlyon û nîme endamê aye estê û sendîkaya Genel Îşî GMB ke wayîrê 800 hezar endaman a ra serra 2016î Kamaraya Awamî de amebî dayene.

Qerarê piştîdayîşî girewtî

Dime ra zî Sendîkaya Unîsonî, Sendîkaya Karkeranê Resnayîşî, Sendîkaya Mamosteyan, Sendîkaya Genel Îşî, Sendîkaya Ramitoxanê Trenan, Sendîkaya Adirkişan, Sendîkaya Mamosteyanê Îskoçya û Sendîkaya Kiriştoxanê Behran, beşdarê kampanya bîybî. Vengdayîşê nê sendîkayan ser o Konfederasyonê Sendîkayanê Brîtanya ke wayîrê 6 mîlyon endaman a, di kongreya xo ya parî de, qerarê bi awayêko aktîf beşdarbîyayîşê kampanya girewte. Reyna festîvalo tewr gird yê karkeran yê dinya ke 200 serrî yo, Îngilîstan de yeno viraştene, emser dîyarîya Ocalanî ame kerdene.

ANF / LONDRA

Yazarın diğer yazıları

    None Found