PKK do hîna bi xurtî dewam bikero

TOPRAK EREN / ANF/BEHDÎNAN

Cemal Şerîko ke kadroyanê bereyan ê PKKyî ra yew o qezaya Tuzluçayir ê Anqara de Têgêrayîşê Apoyî nas kerd. Bi wesîlaya serrgêra 41. a ronayîşê PKKyî qisey kerd.

Şerîkî bi hîrayî bale anite girîngîya kongre û konferansanê seba PKKyî ser û vat “Tarîxê PKKyî de kongre û konferansî her tim sewîya stratejîke de girîng bî. Na yewe ra serkewte her kongra bîye sewîyêka tarîxî ke perspektîfî tey ameyê afirnayene, tede tespîtê îdeolojîk û sîyasî ameyê kerdene, birî ameyê dayene, plansazî ameyê amedekerdene û seba kerdişê şorişî sewîya radayîşî de gamî ameyê eştene.”

Şerîkî ke bi hîrayî behsê kongreya 11. û konferansê 6. yê PKKyî kerd, galkerdişê hêzanê kolonyalîstan û têkoşînê PKKyî nirxna.

Şerîkî vat, “Na rastîye seba PKKyî yo ke tarîxê xo bi kongre û konferansan pir o, bêguman bi nê hawayî ganî hîna xurt bêra nirxnayene. Na rastîye seba PKKyî yo ke sey têgêrayîşê 45 serrî û sey partîye zî 41 serrî xo pey de verdayê, hetê ra zî sey rastîya PKKyî yena fehmkerdene. Şert û mercê çetin ê têkoşînî teberê xurtkerdişê têkoşînî de tewr nêno yew mana.

Çunke serranê vîyarteyan de tecrubeyê girîng ê partîye, rastîyê xurt ê PKKyî amey afirnayene. Coka do berpirsîyarîyanê xo yê bereyîya şarî hîna baş bîyaro ca û têkoşînê xo hîna xurt bikero. O yo ke ganî bêro kerdene zî xora no yo.”

Seba pawitiş û azadîya şarê Kurdîstanî

Şerîkî nîşan kerd ke şert û mercanê Şerê Dinya yê Hîrêyinî de her cepheyî ra galî yenê kerdene û vat “şarê Kurdîstanî û organîzasyonê înan o bere PKK nê prosesî de seba pawitiş û azadîya şarê Kurdîstanî do xo ver bido.

Şerîkî vat “PKK bêguman pêro karanê xo gore şert û mercanê ke tede yo plan keno, bi nê hawayî rayra beno. Labelê rastîyêka winasî zî esta: Mîyanê nê şert û mercan de PKK têkoşînê xo hîna bi waştiş, hîna bi heybet, hîna bi xurtî dewam bikero û manadar bikero.

Ma serrgera 45. a Têgêrayîşê Apoyî û sergerra 41. a PKKyî pîroz kenê. Şexsê Rayber Apoyî yo ke no rûmet dîyarê şarê Kurdîstanî kerdo û şehîdê ma yê partîbîyayîşî Hakkî Karerî de pêro şehîdanê şorişî bi rêz û minet ano xo vîrî.

Yazarın diğer yazıları

    None Found