Projeyê Demsalî her ke şono hîra beno

ŞÎNDA EKREM / ANHA/QAMIŞLO

Vakur û Rojhelatê Sûrîye de bi averşîyayîşê şorişî ra dima her hetê cuye de cinîyî rayberîye kenî. Cinîyê ke heta nika hetê leşkerî, îdarî û sîyasî de rayberî kerdî, nika zî bi projeyanê cîya bi cîyayan yê ekonomî de rolêko gird kay kenî.

Heta nika cinîyan koperatîf û projeyanê cîya cîyayan de ca girewto û berardiş rê rayberî kenî. Na çarçewa de Komîteya Ekonomîye ya Cinîyan projeyê zîretî yê Demsalî aver berdbi. Proje hetê 7 cinîyan ra hêgayêko 8 dolimî ser o amebi destpêkerdene. Cinîyan ewil 200 hinarêrî ronayî û tayê sewzeyî resnayî.

No proje 2016 de dest pêkerd û 2017 de na reye hegayêko 150 dolimî ser o ame ceribnayene. Na reye 150 darê meyweyan ameyî ronayene û sewzeyî ameyî resnayene. Taqîbkara projeyî muhendîse Selama Îbrahîme dîyar kerde ke kesê ke proje de ca girewtî, ewil perwerde dî û wina va: “Ma zîret de cinîyê ke wayîrê tecrube bîy, weçîna û ma perwerde da cinîyan. Nika ameyeyê cinîyan baş o. Ma nika hedef kenî ke dikanêk akerî û çîyê ke yenî berardene ewja de biroşî.”

Cinîyan ra Hefîde El-Rafîî bi keyeyê xo proje de cayê xo gêna. Cinîya bi nameyê Wadha Ehmede zî bi 3 kênayanê xo nê karî kena. Wadha Ehmede daye zanayene ke ê mast, penîr û hakan benî sûke de roşenî.

Yazarın diğer yazıları

    None Found