Qurbanîyî ameyî yadkerdiş

Rejîmê Baasî bin nameyê operasyonê Enfalî de 16ê adara 1988 de bi gazanê kîmyasalan hêrişê Helebçe kerdbî û netîceyê hêrişan de 5 hezarî ra zêde merdim qetil kerdbî. 10 hezarî za zêde zî merdimî birîndar bîbî û nêweşîya rîşa merdimwere înan de virazîyaye. Kurdê ke qetlîam ra filitîyayî koçê Îraq û sewbîna cayan kerdî. Bajarê Helebçe ra girêdaye qasabaya Xurmalî de merasîmê yadkerdişî virazîya û kesê ke qetlîam de merdbî ameyî yadkerdiş.Babete ser o xurmalijî qisey kerdî.Îdarekarê qezaya Xurmalî Sîmko Salarî qiseykerdişê xo de wina va: “Wezîfeyê ma yo yewin ganî ma qetlîam xo vîra nêkerî û nêdî vîrîkerdiş. Cok ra ma her serre merasîmê yadkerdişî virazenî. Çimkî Helebçe zaf bedel daye. 2 hedefê merasîm û kayê tîyatroyî estî. Ya yewin ganî gonîya şehîdan nêro vîrkerdiş. Ya dîyine zî ganî ma qetlîamî biresnî neslanê ameyoxe.”Rejîsorê tîyatroyî Dara Halîtî zî qiseykerdişê xo de bale ant sergêrra qetlîamî ser û wina va: “Koma ma ya tîyatroyî ya Xurmalî 17 serrî yo ke awan bîya. Koma ma her serre sergêrra qetlîamî de tîyatro nîşan dana. Kayê ma yê ewroyên şehîdê qetlîamê Helepçe ser o bî. Ganî Hukmatê Herêma Kurdistanî bi çimêko zelal biewnîyo şehîd û helebçeyijan.” 

HAWKAR MISTEFA / HALEPÇE


Yazarın diğer yazıları

    None Found