‘Rayber Apo sembolê welatperwerîye yo’

AXÎN TOLHILDAN / ANF / QAMIŞLO

Endamê Keyeyanê Şehîdanî yê Qamişlo Elî Omaro ke serra 1995î de Rayber Apo zîyaret kerdo derheqê ey de qisey kerd. Lajê Omerî Dîyar Qamişlo serra 2000î de Kanî Cengê de şehîd bîyo.

Omerî da zanayene ke dimayê vînayîşê Rayber Apoyî o manaya weletperwerîye û fedaîtîye musayo û wina va: “Rayber Apo ma zaf germin nizdîyê ma kerd. Ma eşnawitbi Rayber Apo zaf kesêko zana yo. Ez o wext tewrê ciwananê Partîya Sosyalîste bîya. Gama ke mi o goşdarî kerd, mi dî ke senî qalê sosyalîzm û Kurdîye keno, mi va ‘tam çîyo ke ez wazena no yo’. O demê de sosyalîstan qet qalê Kurdan nêkerdêne. Dimayê nê pêvînayîşî eleqedarîya mi ya şoriş û têgerayîşê zêdîyaye. Ma rêxistinkerdişê şarî de ca girewtêne. Serekî derheqê welatperwerîye û bestişê ci yê şorişî de qiseykerdişêk kerd.”

Omerî va ‘qiseykerdişê Rayber Apoyî mi ser o zaf tesîr kerd’ û wina domna: “Heta ewro ez xebatan de ya. Sebebê naye têsîrê qiseykerdişê Rayber Apoyî yo. Zafê welatperwerê ma rixmê nêvînayîşê Rayber Apoyî ey rê giredaye yê. Dimayo ke dewleta Tirkî Rayberê ma esîr girewt, ma ferq kerd ke o semedê ma senî bierj o. Dişmenî va qey ey bi esîrgirewtişê Rayberîye peynîya Kurdan anê, la înan nêzanayenê şar senî Rayberîya xo rê giredaye yo û xeta ey de têkoşîn keno.”

Ma do têkoşînî gird bikerê

Omerî dîyar kerd ke Rayber Apoyî welatperwerîye mezgê înan de daya roniştene û wina qedêna: “Ma Rayber Apoyî ra welatperwerîye musaye û dewaya xo fam kerde. Rayber Apo vano ke ‘Şehîdê ma sembolê welatperwerîye û azadîye yê’. Ma zî do rêça şehîdanê xo de têkoşînî gird bikerê. Rayber Apo sembol û temsîlkarê welatperwerîye yo. Ma do bi Rayber Apoyî sibayanê azadan bivînê.”

Yazarın diğer yazıları

    None Found