Reya sifteyîne ame pîrozkerdene

NAZIM DAŞTAN / MA / GIRÊ SPÎ

25ê teşrîna peyêne Vera Şîdeto ke Cinîyan rê Beno de Roja Têkoşîn û Piştîdayîşyewbînanî sey heme dinya, Vakur û Rojhelatê Sûrîye de zî ame pîrozkerdene. Kobanê ra heta Qamişlo, Reqqa ra heta Hesekê, Dêra Zorî ra heta Minbicî heme cayan de bi hezaran kesî vejîyayî kuçeyan. Tena cinîyê kurdî nê, cinîyê ereb, suryanî, tirkmen û armenîyî zî beşdarê çalakîyan bîyî.

Nê cayan ra Girê Spî de reya sifteyîne ya ke 25ê teşrîna peyêne ame pîrozkerdene. Cinîya bi nameyê Nupelda Girêspîya ereb a zî beşdarê pîrozkerdişî bîye. Nupeldaye dîyar kerde ke aye xo mîyanê cinîyanê xoverdayoxan de hîna bihêz hîs kena.

Nupeldaye va ‘ereban mîyan de vejîyayîşê cinîye yê teber, çîyêko eyb o û ez keyeyêko winasî ra yena’ û wina domnaye: “Nika no seba mi serkewtişêko gird o. Mi cinîyan reyde xebatî kerdî. Her ke şi mi hîna zaf xo ra bawer kerd û keyeyê mi zî êdî destek dano mi. Verê cû mîyanê YPJyî de tena cinîyê kurdî estbî, labelê nika cinîyê Sûrîye heme tede ca gênî. Reya sifteyîne ya ke Girê Spî de 25ê teşrîna peyêne yeno pîrozkerdene. Mi hêzêko gird girewt. Êdî cinîyê erebî zî cewherê xo şinasnenî.”

Yazarın diğer yazıları

    None Found