Rojawan de çalakîyê paştdayîşê QSDyî

Bi des hezaran kesî heme şaristananê herêma Cizîrî de vejîyayî meydanan, bi rayraşîyayîşan wayîrê QSDyî vejîyayî.

Heseke: Bi seyan roniştoxê Şaristanê Heseke bi rayraşîyayîşêkî paştî da Xoverdayîşê Rûmetî. Rayraşîyayîşî de alayê QSD, YPJ, YPGyî û pankarta ‘’Erdogano îşxalker bêro hukmkerdene’’ ameyî kiriştene.

Dirbêsîye: Bi hêzaran roniştoxê Dirbêsîye û dewanê Dirbêsîye seba paştdayîşê QSDyî û şermezarkerdişê îşxalê Dewleta Tirke yê vera Vakur û Rojhelatê Sûrîye rayraşîyayîşêk kerd û pankarta bi nuşteyê ‘’Bi şehîdan ma do ser bikewê, bi Xoverdayîşê Rûmetî ma do ser bikewê û ma do îşxalkeran çin bikê’’ berz kerde.

Qamişlo: Rayraşîyayîşê Qamişloyî de bi seyan kesî amade bîyî. Çalakîkerî Taxa Cudîyî ra ver bi Gorîstanê Şehîdan şîyî û sloganê ‘’Biciwîyo xoverdayîşê QSDyî yê vera îşxalê tirkan’’ vat.

Til Hemîs: Qezaya Til Hemîsî de roniştoxan bi pankarta ‘’Ma do bi şehîdan ser bikewê’’ dest pê rayraşîyayîşî kerd. Rayraşîyayîşî de fotografê şehîdan ameyî kiriştene. Rayraşîyayîşî verê Çerxerêya Şehîdan de bi deqayêkê rêzgirewtişî dest pêkerd.

Girkê Lege û Til Koçer: Bi hezaran roniştoxî Qezaya Girkê Lege de Meydanê Şehîdan de kom bîyî û înan seba paştdayîşê QSDyî, paştdayîşê Xoverdayîşê Rûmetî û şermezarkerdişê îşxalê Dewleta Tirke dest pê rayraşîyayîşî kerd. Beşdarî fotografê şehîdan, alayê QSD, YPG, YPJyî û fotografê domanê ke Xoverdayîşê Rûmetî de şehîd bîyî kiriştî. Rayraşîyayîş bi selamdayîşê Xoverdayîşê Rûmetî û şehîdan qedîya.  Roniştoxanê Til Koçerî zî seba ke paştdayîşê xo yê seba QSDyî û Xoverdayîşê Rûmetî bimojnê Parka Rayber Apoyî ra dest pê rayraşîyayîşî kerd.

Dêrik: Beşdarî Meydanê Azadî de kom bîyî û pankarta ‘’MA do bi şehîdan ser bikewê’’ berz kerde. Rayraşîyayîşî de beşdaran selam da Xoverdayîşê Rûmetî yê QSDyî û îşxalê Dewleta Tirke şermezar kerdî. Merkezê Şehîd Bawerî yê Ciwananê Şorişgêran rayraşîyayîşî vurîya bi nawnayîş.

Til Berak: Qezaya Til Berakî de zî roniştoxî vejîyayî meydanan. Roniştoxan selam da Xoverdayîşê Rûmetî yê QSDyî û îşxalê Dewleta Tirke şermezar kerdî.
Tirbesipîye: Roniştoxê Qezaya Tirbesîye verê Merkezê Kongreya Starî de kom bîyî û vejîyayî meydanan. Roniştoxî bêvengîya dewletan ê vera îşxalê Dewleta Tirke şermezar kerde û seba ke kurdî sey terorîst name kenê Dewleta Tirke şermezar kerde. Roniştoxan rayraşîyayîşî de Dewleta Tirke bi sloganan şermezar kerde.

Amûde: Qezaya Amûde de zî rayraşîyayîş ame kerdene û bi seyan keyeyê şehîdan, roniştoxê Îdareyê Xoserî, endamê dezgehanê sivîlan, endamê Kongreya Starî, Hêzê Asayîşê Zereyî, rîsipîyî û serekê êşiranê kurdan tewrê rayraşîyayîşî bîyî. Rayraşîyayîşî de alayê QSD, YPG, YPJyî û alaya Meclîsê Keyeyanê Şehîdan ameyî berzkerdene. Rayraşîyayîşî bi deqayêkê rêzgirewtişî dest pêkerd. Rayraşîyayîşê paştdayîşê QSDyî de xebitnayîşê çekanê kîmyewîyan ê Dewleta Tirke ame şermezarkerdene.

Minbic: Minbicî de Endamê Yewîya Sporî ya Minbicî seba ke îşxalê Dewleta Tirke protesto bikê verê Nêweşxaneyê Firatî de kom bîyî û dest pê rayraşîyayîşêkî kerd.  Rayraşîyayîşî de pankarat bi nuşteyê ‘’Ma do faşîzmê Osmanijan çin bikê’’ ameye kiriştene. Rayraşîyayîşî Stadê Beledîyî de vurîya bi nawnayîş. Nawnayîş bi sloganan qedîya.

MERKEZÊ XEBERAN

Yazarın diğer yazıları

    None Found