Roje vera hêrişan de roja yewbîyayîşî ya

Vera hêrişê dagîrkerîye yê dewleta Tirkî de hêrs û reaskîyonî her ke şono dewam kenî. Rojawanê Kurdîstan û Ewropa û xeylê cayanê bînan de Kurd û dostê Kurdan 3 rojî yo payan ser o yî û reaksîyon nîşan danî.

Babete ser o Hemserekê Kongreyê Komelê Demokratîke û Parlamenterê HDPyî yê Agirî Berdan Ozturkî qisey kerd. Ozturkî dîyar kerd ke hêrişê Tirkîya seba dagîrkerîye yeno kerdene û wina dewam kerd: “Êdî îqtîdarê AKP û MHPyî nêşêno çîyêk bido şaranê Tirkîya. Ewro Tirkîya hetê ekonomi, sosyal û sîyasî de qedîyaya. Coka seba ke îqtîdarê xo bidomno, dişmenîya Kurdan bikar ano. Ganî herkes vengê xo berz bikero.”

Ozturkî dewamê qiseykerdişê xo de va ‘heta ewro Rojawanî ra tehdîdêk zî Tirkîya rê nêbîyo’ û wina domna: “Seba ke AKP xo bixelisno û îqtîdarê xo bidomno, Tirkîya ver bi tarîtîye kiranceno. Na tarîtîye ra xelisîyayîş ancax vera dagîrkerîye de vindetiş reyde beno. Ganî hêzê mîyanneteweyî bikewî dewre û vera hêrişan de bivinderî. Statuyo ke Kurdan qezenç kerdo, raştê hêrişî yeno. Ma prosesê referandûmî yê Başûrî û Efrîn ra zî nêyî zanî. Roje roja yewbîyayîşî ya. No tena seba problemê Rojawanî nîyo. No hêriş vera heme Kurdan de beno. Ewro Rojawan siba do Başûr bo. Qezencê parçeyêkî qezencê hemînan o, coka ganî merdim bipawo. Ganî 4 parçeyan de reaksîyonî bêrî nîşandayene.”

MA / AMED

Yazarın diğer yazıları

    None Found