Rojhilata Navîn sêla sincirî ye

Tora Akademîsyenên Kurd li Ewrûpayê Kurd-AKAD wê bi navê “Sêla Sincirî Rojhilata Navîn: Şer weke korerê” li gelek zanîngehên li Elmanyayê, qismî bi hevkariya bi Yekîtiya Xwendekarên Kurdistanê (YXK) re semîner û panelan li ser êrişa qirker a dewleta Tirk a li dijî Rojavayê Kurdistanê organîze dike. Di metna banga ji bo çalakiyan de Kurd-AKAD dibêje, “Rojava li Bakurê Sûriyê vîzyona modeleke demokratîk a zindî ye ku xwe disipêre pirrengîbûn, hawîrdorparêzî û edaleta cinsan.

Bi êrişa eskerî ya li dijî hiqûqa navneteweyî ya artêşa Tirk a li dijî Kurdan, miletên din û destketiyên wan êdî aramî û aştiyeke li herêmê dûr ketiye.

Bi van çalakiyan em dixwazin li aliyên cihê yên pirsgirêkê, nexasim li înteraksiyonên navneteweyî, weke modeleke çareseriyê Rojava û rewşa insanî binihêrin.”

Bernameya semîneran

Semîner û panelên wê li zanîngehên Elmanyayê çêbibin ev in:

13´ê Mijdarê li Zanîngeha Essenê

14´ê Mijdarê li Zanîngeha Darmstadtê

14´ê Mijdarê li Zanîngeha Vechta

21´ê Mijdarê li Zanîngeha Frankfurtê

21´ê Mijdarê li Zanîngeha Bochumê

30´ê Mijdarê li Zanîngeha Bremenê

Ji bilî van çalakiyan wê li wê li derveyî Elmanyayê jî ev çalakiyên li jêr di heman çarçoveyê de hebin:

10´ê Mijdarê li Zanîgeha Bernê (Swîsre)

19´ê Mijdarê li Zanîngeha SOAS´ê (London/Ingilîstan)

FRANKFURT

Yazarın diğer yazıları

    None Found