Roşanê Ganîbîyayîşî hêvîye awan kerde

Welatanê sey Swîsre, Almanya, Hollanda û xeylê welatanê bînan yê Ewropa de pîrozkerdişê Roşanê Ganîbîyayîşî yê 15ê Tebaxe dewam kenî. Serrgêra 35. ya Roşanê Ganîbîyayîşî bi coş û moralêko gird yena pîrozkerdene.

Bajarê Bîel û Aarau yê Swîsre, bajarê Berlîn, Hamburg, Stuttgart, Heîlborn, Frankfûrt, Kassel, Freîburg, Mannheîm û Dortmundî yê Almanya, bajarê Erîvanî yê Armenîstan û bajarê Deen Hagî yê Hollanda de pîrozkerdişê Roşanê Ganîbîyayîşî ameyî pîrozkerdene.  Pîrozkerdişan de beyraqe û posterî ameyî akerdene û siloganî ameyî eştene. Wareyanê çalakîyan de bitaybetî posterê Rayberê Şarê Kurdî Abdullah Ocalanî, Zekî Şengalî û Atakan Mahîrî ameyî aliqnayene.

Qiseykerdişan de 15ê Tebaxe ameye silamkerdene û şexsê Fermandaro Efsanewî Egîtî de heme şehîdê Têkoşînê Azadîye yê Kurdîstanî ameyî Yadkerdene. Qiseykerdişan de bale ancîya  muhîmîya Roşanê Ganîbîyayîşî ser û ame vatene ke no roşan şaran de hêvîye awan kerda. Reyna qiseykerdoxan qala guleyo sifteyîn kerde û da zanayene ke Kurdan bi nê guleyî estena xo daya eşnawitene. Qiseykerdişan ra dima aktîvîteyî bi muzîk û govende qedîyayî.

ANF / BRUKSEL

Yazarın diğer yazıları

    None Found