Roşanê Ziwanê Kurdî ame pîrozkerdene

Komeleya Cigêrayîşanê Ziwan û Kulturî ya Mezopotamya (MED-DER) bi wesîleya 15ê Gulane Roşanê Ziwanê Kurdî Amed de aktîvîteyêk organîze kerd. Aktîvîte Merkezê Kultur û Kongre yê Şaredarîya Bajarê Girdî de ame viraştene.

Aktîvîte de Îdarekarê MED-DERî Sedat Baranî qisey kerd û Baranî qala muhîmîya na roje kerde. Baranê vatişê Celadet Elî Bedirxanî yê ‘Kurdno, malxerabno an nebêjin em Kurd in, an jî bi Kurdî bixwînin, binivîsînin, bixwînin’ da vîr. Dima ra dengbêjî vejîyayî sehne û hîkayeyê Kurdî ameyî vatene.

Hunermend Renas Pîro sehne de bale ant tecrîdî ser û dîyar kerd ke ganî bêvengîye bêra wedarnayene. Tewr peynî kaya Tartuffe hetê kaykeranê Tîyatroyê Bajarî yê Amedî ra ame kaykerdene. Kay ra dima kaykeran ra Ozcan Ateşî bale ant muhîmîya ziwanê dayîke ser û waşt ke wa herkes wayîrê ziwanê xo bivejîyo.

MA / AMED

Yazarın diğer yazıları

    None Found