Şaredarîye de beşê Kurdî ame wedarnayene

19ê Tebaxe de Hemserekê Şaredarîya Bajarê Girdî ya Amedî Adnan Selçûk Mizrakli wezîfe ra amebi girewtene û herinda ci de walî Hasan Basrî Guzeoglu sey qayûmî tayîn bibi.  Qayûmî roja ke tayîn bi de karkerê ke agêraybî wezîfeyê xo, kar ra vetbî û herinda Mudirê DÎSKÎ de hetkarê xo tayîn kerdbî.

Qayûmî nika zî keyepelo fermî yê şaredarîye de beşê Kurdî wedarna. Seke yeno zanayene qayûmî roja ke ame tayînkerdene ra nata keyepelê şaredarîye de propogandaya xo kerdêne. Ameyîşê xo ra dima serwîsê xeberanê Kurmancî û Kirmanckî da vindarnayene.

Heta nika babete ser o îzehetêk nêdîyayo. Xora qayûmo verêne Cûmalî Atîllayî zî wextê xo de polîtîkaya xizmetî ya zaf ziwanan werte ra wedarnabî û heme tabelayanê Kurdîyan hewanaybî.

MA / AMED

Yazarın diğer yazıları

    None Found