Seba azadîye wa têkoşîn gird bibo

15ê Tebaxa 1984î de vera qereqolanê dewleta Tirkî de çalakîyî amebî viraştene û bingeyê têkoşînê azadîye amebi eştene. Coka 15ê Tebaxe sey Roşanê Ganîbîyayîşî yeno zanayene û emser serrgêra 35. yê 15ê Tebaxe yo.

Dîwanê Hemserekîya KONGRA-GELî eşkerayîyêka nuştekîye daye û Roşanê Ganîbîyayîşî yê 15ê Tebaxe pîroz kerd û semedê xurtkerdişê têkoşînî veng da. KONGRA-GELî dîyar kerd o ke înan bi wesîleya serrgêra 35. şexsê Fermandaro gird embaz Egîdî de heme şehîdanê hemleya 15ê Tebaxe bi hurmet û minetî vîr anê û sozê caardişê waştişanê şehîdan û azadîya Rayber Apo û şarê xo newe kenê. KONGRA-GELî dewamê eşkerayîya xo de vato ‘ruhê şorişgêr û xoverdayîşî yê PKKyî yê serewedaritişê peyênî yê Kurdan bi faşîzmê 12ê Êlule ame waştene ke bêro çinkerdene’ û wina domnayo: “ Labelê Zîndanê Amedî de bi ruhê 14ê Temmuze xovedayîşêk dest pêkerd. No xoverdayîş bi hemleya ruhê serkewtişî yê 15ê Tebaxe ame tacîdarkerdene. Xoverdayoxanê ke bi ruhê serkewtişî xover da, ser kewtî. No ruho şorişgêr o ke hetê Rayber Apoyî ra ame afernayene, Kurdistan ra resa şaranê Rojhelatê Mîyanênî û vila bi.”

Heme destkewteyê Kurdan hedef de yê

KONGRA-GELî peynîya eşkerayî de wina vato: “Ewro Kurdî Rojhelatê Mîyanênî de aktorê bingeyên ê. Dewleta Tirkî ya faşîste çîyo ke 12ê Êlule de nêeşkayî bikero, ewro wazena bica bîyaro. Coka hêrişê Başûr û Rojawanî kena. La ê sekenê wa bikerê do meeşkê xoverdayîşê Kurdan bişiknê. Hedefê rejîmê Tirkî de tena PKK û Kurdistan çin ê. Heme destkewteyê Kurdan hedef de yê. Coka ganî heme hêzê Kurdan pîya vera nê faşîstan de tê bigêrê. Seba çareserîye ganî têkoşînê azadîya Rayber Apoyî bêro girdkerdene. Azadîya Rayber Apoyî kilîtê azadîya Kurdîstan,Tirkîya û Rojhelatê Mîyanênî ya.”

ANF/BEHDÎNAN 

Yazarın diğer yazıları

    None Found