Seba Kobanêyijan kampanyaya hetkarîyî

Rewşa xo ser Muhammed Alî aşkera kerd ke peynîya hêrişê DAIŞî nêçare Kobanê terk kerdî, di Kobanê de hema zî merdimê înan est î û wina vat: “Homa razî bo muxtarê dewe ard ma noca û ma ra karî da. Çi zî bibo ma di noca de keyfweş nîyê, çimkî di Kobanê de erezî ma estbî û nika heme çikê ma di Kobanê de mend û eke Homa şer peynî bibo do ma zî Kobanê ra biagêrî.”
Hewna Ferîde Alî zî destnîşan kerd ke eke şer peynî bibo ê zaf wazenê tepa Kobanê ra biagêrî û wina dewam kerd: “Ma zaf wazenî axê xo ra biagêrî, çimkî ma di axê de hîna keyfweş bi. Ma wazenê tepa biagêrî û axê xo de cuyayişê xo bidomnê. Di noca de domanê ma nêeşkenî wendegehê şîrî.”

EMEP resna

 Sereka EMEPa Mazgêrdî Pakîze Aydin aşkera kerd ke ê dema zîyaretî zehmetîya malbatî weş vînay û no ser zî destpê na kampanyaye kerdî û wina vat: “Ma bi hembarî muxtarî de hetkarîyê malbatî ra resnay. Ma taybetî seba lazimeya malbatî kelmelî kom kerd û ma nê kelmelî bi pereyî teslîmî malbetê kerd. Na kampanya tena di noca de peynî nêbo, ma hetanê peynî kampanyaye xo bidomnî.”
Hewna Derman Tekîn Taranci zî ciresna ke nika zey terteleyê Dêrsimî, tertele di Kobanê û Şengale de yena cuyayiş û wina dewam kerd: “Çeteyê DAIŞî bi hezaran malbatê cayê xo ra day koçkerdiş. Nika ewlehîya weşî ya nê malbatan çin o. Domanê înan nêeşkenî şîrê wendegehê, ma hetanê peynî ser ma çi keweno se do ma bikerî. Esil di na babete de hukûmat gamê şenber bierzo. Nika kobanêyijan di mîyanê hesreta welata xo de yê. Ganîyo ke seba nê koçberan her kes rolê xo kaybikero. Nika Dêrsime de malbatê kobanêyijê est î û destê înan ra çi bêro se do înan bikerî.”

 NAVENDA XEBERAN

Yazarın diğer yazıları

    None Found