Seba kongre binge hadre yo

Hemserekê Partîya Yewîya Demokratîke (PYD) Şahoz Hesenî derheqê yewîya neteweyî û Kongreya Neteweyîya Kurdan ser o qisey kerd û qala muhîmîya nê prosesî kerd.

Hesenî va ‘têkoşîno muşrû yê kurdan êdî warê sîyasî û leşkerî de averşîyayîşê girdî viraştî’ û wina dewam kerd: “Kurdî prosesêko hesas ra derbaz benî û goreyê verên Rojhelato Mîyanên de hîna zaf rolêko dîyarker kay kenî. Ewro şertê viraştişê Kongreya Neteweyîya Kurdan hîna zaf munasîb î.”

Hesenî dewamê qiseykerdişê xo de da zanayene ke seba viraştişê kongre ganî çar parçeyanê Kurdîstanî de yewîye pê bêro û vera hêrişan de xoverdayîş lazim o. Hesenî wina domna: “Kurdî bi têkoşînê xo Rojhelato Mîyanên de bîyî hêzêko gird. Ganî no het de gamê cîddî bêrî eştene û seba menfîetê kurdan xebatî bêrî kerdene.”

Amanco esasî kongre ya

Hesenî bale ante astengîyê ke vernîya yewîye de yî ser û wina va: “Astengîya tewr gird, parçebîyayeyîya Kurdîstanî ya. Her parçe goreyê xo têkoşînêk dano. No xizmetê menfîetanê kurdan nêkeno. Reyna tayê ci dagîrkeran reyde têkilî ronenî. Ganî heme hetî seba yewîya neteweyî hereket bikerî. Ewro seba ronîyayîşê yewîye şertî munasîb î. Pêardişê Kongreya Neteweyî amanco esasî yê PYDyî yo. PYD seba pawitişê qezencanê kurdan xebatan keno.”

 ANHA / QAMIŞLO

Yazarın diğer yazıları

    None Found