Seba Ocalan û Kobanê çalakîyî

Seranserê Ewropa de seba tecrîdo ke Ocalanî ser o esto û hêrişê dewleta tirkî yê vera Rojawanî çalakîyî yenê viraştene. Na çarçewa de vizêr Fransa û Swêd de kurdî reyna kuçeyan de bî.

Bajarê Marsîlya yê Fransa de kurdîstanijî û dostê ci ameyî têhet û bi çalakîyêk hêrişê ke vera Rojawanî de benî û tecrîdê Îmrali protesto kerdî. Çalakîkeran bi silogananê ‘Wa bicuyo xoverdayîşê Kobanê’, ‘Ocalanî rê azadîye, Kurdîstanî rê aştî’ û ‘Erdogano qetilkar, Macrono hemkar’ rayîrraşîyayîşêk viraşt, hêrişkaran rê hêrsê xo nîşan da û mesajê paştdayîşê Ocalanî û Rojawanî dayî. Dima ra mîtîngêk ameye viraştene û ame vatene ke vera hêrişan de bêvengîya Ewropa paştdayîşê hêrişkaran o.

Bajarê Malmo yê Swêdî de zî hetê 16 rêxistinanê komelanê sivîlan ra bi wesîleya 1ê teşrîna peyêne Roja Kobanê ya Dinya çalakîyêk ameye organîzekerdene. Çalakîye ra ver xoverdayîşê Rojawanî ser o panelêk ame viraştene û bale ancîya xoverdayîş û sîstemê Rojawanî ser. Dima ra zî rayîrraşîyayîşêk ame viraştene û derheqê polîtîkaya hêrişkare ya dewleta tirkî de zanayîş ame dayene. n ANF / BRUKSEL

Yazarın diğer yazıları

    None Found