Seba qedênayîşê dagîrkerîye peymane virazîyaye

Îdareyo Xoser ê Vakur û Rojhelatê Sûrîye îzehetêk da û dîyar kerd seba ke hukmatê Sûrîye wezîfeyê xo yê asayîşî bîyaro ca, înan reyde peymanêk ameye viraştene. Îzehetî de ameyo vatene seba ke hukmat vera hêrişanê dagîrkeran ê dewleta Tirkî piştî bido QSDyî peymanêk ameya viraştene. Çarçeweya peymane de destûr ame dayene ke hêzê rejîmê Sûrîye derbazê xeta sînorî ya Sûrîye û Tirkîya bibê.

Îzehet de ca dîyayo muhtewaya peymane û wina dewam kerdo: “Ma Vakur û Rojhelatê Sûrîye de vengdayîşê parçebîyayîşî nêkerd, labelê ma seba dîyalog û çaresarîya krîzê Sûrîye bi hewayêkê aştîyane veng dayêne û ma do veng bidê. Ma hêrişê kesêkî, hêrişê dewletanê cîranan nêkerd û heta nika ma dewleta Tirkî tehdît zî nêkerd. La dewleta Tirkî dormeyê ma bi terorî girewt û hema zî wina kena. Rolêko menfî vilakerdişê terorî yê Sûrîye de destpêkê krîzî de kay kerd. Ewro hêrişê erdê Sûrîyeya ke Hêzanê Sûrîye ya Demokratîke bi gonîya ciwananê xo nê erdî xelisna, kena.”

Dewamê îzehetî de wina ameyo vatene: “Nê 6 rojê vîyarteyî de barbaran vera sivîlan de sucî kerdî. Hêzanê Sûrîye ya Demokratîke bi qehremantîye vera hêrişan de xover da û xeylê kesî şehîd bîyî. La dewleta Tirkî hêrişanê xo domnena. Seba ke ma vera nê hêrişan bigêrê, ma hukmatê Sûrîye reyde pêkerd ke do sînoranê welatî serdestîya Sûrîye bipawê. Artêşa Sûrîye ya Demokratîke nê îxlalî ver vindera û herêmanê ke artêşa Tirkî û çeteyê aye derbazê ci bîyî, bixelisna. No pêkerdiş firsendê xelisnayîşê pêroyê erdî û bajaranê Sûrîyeyê ke hetê artêşa Tirkî ra ameyî îşxalkerdene û bajaranê bînan virazeno. Ser nê esasan, ma pêroyê herêmanê xo, pêroyê Vakur û Rojhelatê Sûrîye bitaybetî bajaranê serê sînorî nê pêkewtişî ra hayîdar kenê. Dekewtişê artêşa Sûrîye yê sînoranê ma bi kordîne û pêkerdişê Îdareyê Xoserî yê Vakurî û Rojhelatê Sûrîye beno.”

QAMIŞLO

Yazarın diğer yazıları

    None Found