Seba vîrardişî tûrnûvaya futbolî virazîyaye

Vîyana de Tûrnûvaya Futbolî ya Şehîdanê Menga Gulane ameye viraştene. 6 taximê futbolî tewrê tûrnûvaya tesîsê sporî ya hûmara 15. ya Grasbergergasse bîyî.

Saha de fotografê Rayberê Şarê Kurdî Abdullah Ocalanî, Şehîd Engîn Sîncar, Mazlûm Dogan û beyraqê KCK, YPG, PYD, YBŞ û YPJyî ameyê akerdene. Tûrnûva bi deqayêk rêzgirewtişî dest pêkerde. Saha de her 6 taximî ameyê têhet. Peynîya tûrnûva de Grûba Byî ya Rojawanî ya ke Vîyana de lîgê amatorî de kay kena, heme kayan de ser kewte û bîye yewine. Gruba A ya Rojawanî bîye dîyine û tewr peynîye de zî Çewlîg Spor bî hîrêyin.

Sere ra heta peynîya tûrnûva kurdistanijan govende girewt. Tûrnûva de siloganê ‘Şehîdî Nêmirenê’,  ‘Bê Serek Cuye Nêbena’, ‘Biciwîyo Xoverdayîşê Efrînî’, ‘Bicîwîyo Xoverdayîşê Rojawanî’, ‘Biciwîyo PKK’, ‘Biciwîyo YPJ’ û ‘Biciwîyo YBŞ’ ameyî qîrayene.

ANF / VÎYANA 

Yazarın diğer yazıları

    None Found