Seba yewîye çi ma dest ra bêro ma do bikerî

Hemserekîya Partîya Yewîya Demokratîke (PYD) derheqê vengdayîşê yewîya neteweyî yê Hetkarê Sekreterîya Pêroyî yê YNKyî Kosret Resûlî de îzehetêko nuştekî da. Hemserekîye îzehet de dîyar kerdo ke vengdayîşê yewîye neteweyî seba Kurdan zaf muhîm o û heme partîyanê Kurdan rê sipasîyê xo kerdî.

Hemserekîye dayo zaneyene ke heme hêzê Kurdan vera hêrişanê dewleta Tirkî de Vakur û Rojhelatê Sûrîye de pîya hereket kenî û îzehetanê bîyayeyan danî. Hemserekîya PYDyî wina dewam kerdo: “Ma nînan erjin vînenî û heme hêz û partîyan rê sipasîyê xo kenî. Hetkarê Sekreterîya Pêroyî ya YNKyî Kosret Resûlî seba yewîya neteweyî veng dayo partî û hêzanê Kurdan û waşto ke wa kongreyêk bêro amadekerdene.”

Hemserekîya PYDyî îzehetê xo de vengdayîşê Resûlî ser o vindeto û wina vato: “Ma nê vengdayîşî bîyaye û munasîb vînenî. Mîyanê rewşêka winasî ya Rojhelatê Mîyanênî de seba yewîya Kurdan çi destê ma ra bêro ma do bikerî. Ma bawer kenî ke bi yewîya Kurdan aştî û huzûr bêrî herême û şarê ma do bireso heqanê xo yê demokratîkan.”

MA/AMED

Yazarın diğer yazıları

    None Found