Serrêk de 800 hezar kesî AKP ra qerfîyayî

AKP yo ke mîyanê ci de krîz her ke şono kûr beno de endamê ci zî kêmî benî. Badê ke Hetkarê Serekwezîrî û Wezîrê Ekonomîye yo verên Alî Babacanî îstîfa kerd û dest bi amadekarîya awankerdişê partîyêka neweyî kerd û reyna sewqbîyayîşê dîsîplînî yê Serekwezîro verên Ahmet Davutogluyî, AKP ra qerfîyayîşan zî lezna.

Ame musayene ke nizdîyê 800 hezar kesî mîyanê serrêk de endamîya AKPyî ra îstîfa kerda. Kongreya Normale ya 6. ya AKPyî ke Tebaxa 2018î de kom bibî de pêro pîya 10 mîlyon 719 hezar 234 hebî endamê AKPyî estbî. Goreyê melumatê ke keyepelê Serdozgerîya Komare ya Yargitayî de ca gênî, o wext ra nata nizdîyê 800 hezar kesî kêmî bîyî û hûmara endamanê AKPyî bîya 9 mîlyon 931 hezar 103 kesî.

MA / AMED

Yazarın diğer yazıları

    None Found