Sezer ame definkerdiş

3 rojî verê merkezê Dêrsimî de wesayîtê zirxinî yê leşkerî dabi keso bi nameyê Alî Sezero 92 serreyî ro. Sezer netîceyê pirodayîşî de merdbi. Vizêr seba Sezerî cemxane de merasîmê oxirkerdişî ame viraştiş û dima ra Sezer ame definkerdiş.

Keyeyê Sezerî, îdarekarê HDP û CHPyî û xeylê kesî beşdarê merasîmî bîyî. Sezer dewa Gerîşî ya qezaya Qisle de ame definkerdiş. Serekê Baroya Dêrsimî Bariş Yildirimî dîyar kerd ke ramitoxê wesayîtê leşkerî ameyo tepiştiş û ê do heta peynî na doze taqîp bikerî.

Lajê Sezerî Fuat Sezerî babet ser o va ‘ma do ramitoxê wesayîtî ra gerrekar bibî û seba ke ceza bigîro, têkoşînê huqûqî bidî’. Baltuza Alî Sezerî Nazîye Gedîke zî daye zanayîş ke wesayîtê zirxinî yê dewlete hertim Dêrsim de benî sebebê mergan û vera nînan de ti tedbîrî nînî girewtiş.

MA / DÊRSIM

Yazarın diğer yazıları

    None Found