‘Şima nêşênî erjanê ma bipelçiqnî’

SEMRA TURAN / MA / DÊRSIM

Walîyê Dêrsimî Tuncay Sonel Çemê Mûzirî ser o pirdêk da viraştene û nameyê xo da ê pirdî. Pirdo ke nizdîyê Zîyara Ana Fatma de ameyo viraştene, nameyê ‘Pirdê Ana Fatma Walî Tuncay Sonelî’ dîyayo ci. Dêrsimij û rêxistinanê sîvîlan vera nêyî de reaksîyon nîşan da.

Hemsereka Komeleya Elewîyanê Demokratîkan Selda Guneşe va ‘nameyê Ana Fatma seba elewîyan zaf muhîm o’ û wina domnaye: “Kes nêşêno nê nameyî bikero hâlete polîtîka. Cok ra no nîno qebulkerdene. Elewîyî qet nameyanê ewlîyayanê xo nêdanî ti cayan.”

Guneşe dewamê qiseykerdişê xo de wina va: “Polîtîkayê asîmîlasyon û înkarî ge-ge bi hawayo qetlîyaman zî dewam kenî. Ma vera her tewir zehmetîyan de zîyar û dîyarê xo pawitî. Labelê ewro rîyê Şîmîr Merwanê ke mîyanê ma de yî ra ma zaf zehmetîyan ancenî. Kesê ke seba 2 loqmeyan zirar danî bawerîya xo, her ke şono zêde benî. Ewro nizdîyê Zîyara Ana Fatma de pirdêk ameyo viraştene û nameyê walîyî panîyayo. Senî ke nameyê Yezîd û Zeynep Ana eksê yewbînan î, nameyê nê kesî zî hende eksê nameyê Ana Fatma yo. Ganî no wina bêro famkerdene.”

Yazarın diğer yazıları

    None Found