Stockholm de protesto

Paytextê Swêdî Stockholm de dewleta Tirkî ya ke vera Başûrê Kurdistanî hêrişê îşxalkarîye kena û hemkarê ci ameyî şermezarkerdene.

Stockholm de rayberîya Merkezê Kurdan ê Demokratîkan û Meclîsê Cinîyan ê Kurdan ê Amara de seba şermezarkerdişê hêrişê dewleta Tirkî yê vera Başûrê Kurdistanî û qetilkerdişê endamê Konseya Serekîya Pêroyîye ya KCK’yî Dîyar Xerîbî (Helmet) û di gerîlayê ke 5’ê Temmuze  de rîyê hêrişê teyareyanê artêşa Tirkî ra şehîd bibi çalakîyêk ameye viraştene.

Çalakîya ke  fotografê Dîyar Xerîbî û sivîlê ke bombardûmanê dewleta Tirkî de ameyî qetilkerdene ameyî kirştene û bi sloganan hêrişê dewleta Tirkî ame şermezarkerdene de bi nameyê Meclîsê Cinîyan ê Kurdan ê Amara Ayşe Goktepe qisey kerd.

Goktepe vist vîrî ke 25 serrî yo ke dewleta Tirkî hêrişê Başûrê Kurdistanî kena û vat yew serr a ke dewleta Tirkî hêrişê îşxalkarîye zêdînayî û sivîlan qetil kena. Goktepe bale ante qetikerişê endamê Konseya Serekîya Pêroyîye ya KCK’yî Dîyar Xerîbî ser û vera hêzanê Kurdistanî yê ke Tirkîya dir hemkarîye kenê hêrsê xo ard ziwan. Goktepe veng da heme Kurdan û dostanê înan ke wa vera hêrişanê qirkerdişî û îşxalkarîye yê dewleta Tirkî tawir ranojnê û vejîyê meydanan.

STOCKHOLM

Yazarın diğer yazıları

    None Found