Ti kes nê karî ra razî nîyo

Qezaya Erebanî ya Dîlokî de xesadê sîro ke sey altûno sipî yeno zanayene, dest pêkerd. Berardkar bi hêvîyêka girde sîr ramitbi, labelê qaso ke hêvî kerdêne, berardişêk nêkerd. Emser kîloyêkê sîrî 5 TL ra ame rotene.

Berardkar Aydin Îlcîyî va ‘citkarîye zaf zehmetin a’ û wina dewam kerd: “Mazot bîyo 6-7 TL. Reyna traktor, awedayîş, pereyê karkeran, neqlîye û sewbîna zî tira vejîyeno, ma rê çîyên nêmaneno. Wexto ke ma mesrefan tira vejenî, ma rê çîyêk nêmaneno.”

Karkeran ra Ahmet Karataşî zî da zanayene ke şert û mercê ewroyînan de merdim 42 TL reyde eşkeno se bikero û wina va: “Ez nêşêna debara xo bikera. Eke ez karê înşaatî bivîna, ez do bixebetîya, neke ez do bidomna. Çimkî ma mecbûr î.”

Karkeranê cinîye ra Emîne Aslane zî va ‘vayebîyayîş ma ser o tesîrêko xirabin keno’ û wina domna: “Çîyêk dewlemend rê nêbeno. Hewayo germin de xebetîyayîş zaf zehmetin o. Ez do sîr ra dima şêra pemeyî. Hamnanî vindetiş ma rê çin o.” Cinîyan ra Ayşe Kaya zî wina va: “Ma serê sibayî saete 6.00 ra heta şan saete 17.00 xebetîyenî. 3 domanê mi estî û wanenî. Ez mecbûr a bixebetîya. Pereyêko dîyeno ma zaf tay o.”

MA / DÎLOK

Yazarın diğer yazıları

    None Found