Tirkîya her hetî ra Başûr de bica bena

Dewleta Tirkî ya ke demêko derg o hewl dana Başûrê Kurdîstanî dagîr bikera, wazena bi temamî Başûr de bica biba. Dewleta Tirkî heta nika xeylê qerargehê leşkerî Herêma Başûrê Kurdîstanî de viraştî. Reyna 49 mektebê ke Cematê Fetullah Gulenî ra mendî de perwerdeyê ziwanê Tirkî yeno dayene û 390 şîrketê Tirkan zî ekonomîya Kurdîstanî de wayîrê rolêko gird î.

Dezgehê perwerdeyê ke Cematê Gulenî ra mendî Zaxo, Berwarîye, Soran, Amedîye, Silêmanî, Ranya û Hewlêr de fealîyetanê xo domnenî. Yeno vatene ke Başûr de pêro pîya 390 şîrketî estî û nînan ra 26ê ci raşteraşt girêdayeyê MÎTî yî. Nê şîrketî Başûr de sîyaset û ekonomîya Başûrî ser o tesîrêko gird kenî. Fealîyetê tîcarî pêro hetê keyeyê Barzanîyî ra yenî domnayene. Zafaneyê şîrketan de şîrikîya Mesrûr Barzanî û Neçîrvan Barzanîyî esta.

Na çarçewa de mabênê 30ê Hezîrane û 1ê Temmuze de Hewlêr de bi nameyê ‘Kombîyayîşê Tîcaret û Sermayegazarîye’ de kombîyayîşêk amebi viraştene û kombîyayîş bi serekîya Mesrûr Barzanîyî de amebi viraştene. Verfekê Hukmatê Îraqî Sefîn Dîzayî, Wezîrê Tîcaretî Alî Sindî, Berpirsîyarê Ofîsê Karanê Teberî Felah Mustafa, Walîyê Hewlêrî Nevzad Hadî, Serekê Federasyonê Odeyanê Tîcaretî Dara Celîl Hayat, Serkonsolosê Erbîlî yê Tirkîya Hakan Karaçay, Wezîrê Gumrik û Tîcaretî yo verên yê Tirkîya Bulent Tufekçî û xeylê kesî beşdar bîbî.

ERDOGAN ALTAN / MA / HEWLÊR

Yazarın diğer yazıları

    None Found