Veng bidê cuye, tecrîd wedarnê

Çalakîya roniştişî ya ke semedê baleantişê grevê vêşanîye yê ke semedê wedartişê tecrîdê serê Rayberê Şarê Kurdî Abdullah Ocalanî ser yenê viraştene, hetê Partîya Demokratîke ya Şaran (HDP) a Dêrsimî ra yena viraştene, dewam kerde.

Çalakîya roniştişî ya ke Meydanê Seyîd Rizayî de yena viraştene temsîlkarê partîyanê sîyasîyan û rêxistinanê sivîlan ê cimatî û merdime tepişteyan tewrê ci bîyî. Çalakîye de dayîkanê xoverdayoxan veng da serekkomar û Wezîrîya Tirkî ke wa tecrîdî wedarnê û waştişê domananê înan bîyarê ca.

Heto bîn ra qezaya Silopî ya Şirnexî de ciwanan bi çalakîya meşaleyine tecrîd protesto kerd û xoverdayîşê grevê vêşanîye û rojeyê mergî silam kerd. Xeylî ciwanî Taxa Nûhî ya Silopî ya Şirnexî de ameyî têhet û bi meşaleyan rayraşîyayîşêk viraşt. Çalakwanan bi siloganan tecrîdê serê Rayberê Şarê Kurdî Abdullah Ocalanî şermezar kerd û bale ante xoverdayîşê grevê vêşanîye û rojeyê mergî ser.

AMED

Yazarın diğer yazıları

    None Found